கடினமான காலங்களில் கடந்து செல்லுதல்மாதிரி

உறுதியாக இருங்கள்

இப்போது உங்கள் வாழ்க்கையில் ஒரு கடினமான காலகட்டத்தை நீங்கள் சந்திக்கிறீர்கள் என்றால், நீங்கள் தனியாக இல்லை. உண்மையில், உலகில் 100% மக்கள் தங்கள் வாழ்க்கையில் சில வகையான கஷ்டங்கள் அல்லது கடினமான பருவங்களை அனுபவிப்பார்கள். நீங்கள் இப்போது ஒரு கடினமான காலகட்டத்தில் இருந்தாலும், அல்லது அப்படிப்பட்ட சூழலில் இருந்து வெளியே வந்து கொண்டிருந்தாலோ அல்லது கடினமான சூழலுக்குல் செல்லப் போகிறீர்கள் என்றாலோ, எவ்வகை சூழல் என்றாலும் அவை வாழ்க்கையின் ஒரு பகுதியே ஆகும். கடினமான காலங்களை யாரும் வேண்டும் என்றே அனுபவிக்க மாட்டார்கள். இதைப் பற்றி யோசித்துப் பாருங்கள் - சவாலான நேரத்தை அனுபவித்து மகிழ்ந்த ஒருவரை நீங்கள் எப்போதாவது சந்தித்திருக்கிறீர்களா? அநேகமாக இல்லை. 

பிரச்சனைகளைத் தவிர்ப்பதற்கு நாம் எடுத்துக்கொள்ளக்கூடிய மருந்து எதுவுமில்லை அல்லது கடினமான நேரங்களுக்குள் செல்வதைத் தடுக்கும் எந்த ஒரு ஊக்குவிக்கும் சிந்தனையோ அல்லது சுய பேச்சும் இல்லை. எனவே, நமது கடினமான சூழ்நிலைகளில் நாம் மட்டுமே செல்வது போல் உணரலாம், ஆனால் அது உண்மை இல்லை. 

இயேசு போதித்ததில் நாம் உற்சாகத்தைக் காணலாம். யோவான் 16:33-ல் அவர் இவ்வாறாக கூறுகிறார், “‭உலகத்தில் உங்களுக்கு உபத்திரவம் உண்டு" நாம் எதை எதிர்க்கப் போகிறோம் என்பதை அவர் புரிந்துகொண்டார்—குறைபாடு, பாவம், வெறுப்பு மற்றும் ஆவிக்குரிய வாழ்வின் எதிரி நிறைந்த உலகம் இது. அவன் நம்மை அழிக்க விரும்புகிறான். இந்த ஏமாற்றம் நிறைந்த உலகில் மனம் தளர்ந்து வாழ வேண்டும் என்றில்லை. முடிவில் நாம் வெற்றி பெறுவோம் என்பதை அறிந்தால் இன்னும் நிறைவான, வளமான வாழ்க்கையை வாழலாம்.