1 பேதுரு 4இலிருந்து பிரபலமான வேதாகம வசனங்கள்

பகிர்

எல்லாவற்றுக்கும் மேலாக, ஒருவரில் ஒருவர் ஆழ்ந்த அன்பு செலுத்துங்கள். ஏனெனில் அன்பு, அநேக பாவங்களை மூடுகிறது.

வெவ்வேறு விதங்களில் அமைந்திருக்கின்ற இறைவனுடைய கிருபை வரங்களின் உண்மையான நிர்வாகிகளாக, நீங்கள் ஒவ்வொருவரும் அவரிடமிருந்து பெற்றுக்கொண்ட வரத்தை உபயோகித்து, ஒருவருக்கொருவர் பணி செய்யுங்கள்.

செய்தியைப் பேசுகின்ற வரத்தையுடையவன், இறைவனுடைய சொந்த வார்த்தைகளை பேசுபவனாகவே பேச வேண்டும். பணிவிடை செய்கின்றவன், இறைவன் கொடுக்கும் பலத்தின்படியே அதைச் செய்ய வேண்டும். அப்போது எல்லாக் காரியங்களிலும் இயேசு கிறிஸ்துவின் மூலமாக இறைவன் துதிக்கப்படுவார். அவருக்கே மகிமையும் வல்லமையும் என்றென்றும் உண்டாயிருப்பதாக. ஆமென்.

மாறாக கிறிஸ்துவைப் பின்பற்றும் காரணத்திற்காக நீங்கள் வேதனையை அனுபவித்தால் அதைக் குறித்து வெட்கமடைய வேண்டாம். கிறிஸ்துவைப் பின்பற்றுபவன் என்ற பெயர் உடையவர்களாய் நீங்கள் இருப்பதைக் குறித்து இறைவனைத் துதியுங்கள்.

அனைத்துக்கும் முடிவு நெருங்கிவிட்டது. ஆகையால் நீங்கள் மன்றாடுவதற்கு ஏற்றவாறு மனத் தெளிவு உடையவர்களாயும், தன்னடக்கமுடையவர்களாயும் இருங்கள்.

பிரியமானவர்களே! நீங்கள் பரீட்சிக்கப்படும்படி அனுபவிக்கும் சுட்டெரிக்கின்றதான துன்பங்களைக் குறித்து, ஏதோ விசித்திரமான ஒரு காரியம் உங்களுக்கு நடந்துவிட்டதென எண்ணி வியப்படைய வேண்டாம். கிறிஸ்துவினுடைய துன்பங்களில் நீங்கள் எந்தளவு பங்குகொள்கின்றீர்களோ அந்தளவு சந்தோஷப்படுங்கள். அப்போது அவருடைய மகிமை வெளிப்படுகையில் நீங்கள் சந்தோஷமும் அதிக மனமகிழ்ச்சியும் அடைவீர்கள்.

நீங்கள் ஒருவர் மீது ஒருவர் குறை கூறாமல் ஒருவரையொருவர் உபசரித்து நடவுங்கள்.

ஆகவே இறைவனுடைய திட்டத்திற்கு இணங்க துன்பம் அனுபவிக்கின்றவர்கள், தங்களைப் படைத்த உண்மையுள்ளவரான இறைவனிடம் தங்களை ஒப்புக்கொடுத்து, தொடர்ந்து நன்மை செய்ய வேண்டும்.

எனவே கிறிஸ்து தமது சரீரத்தில் துன்பத்தை அனுபவித்ததனால், நீங்களும் அதேவிதமான மனநிலை உடையவர்களாய் இருங்கள். ஏனெனில், சரீரத்தில் துன்பப்படுகின்றவர்கள் பாவத்துடனான தொடர்பைத் துண்டித்துக்கொள்கின்றார்கள். அதனால் அவர்கள் பூமியிலே எஞ்சியுள்ள தமது வாழ்நாட்களிலே பாவ மனித இயல்பில் எழும் தீய ஆசைகளுக்காக வாழாமல், இறைவனுடைய விருப்பத்திற்காகவே வாழ்வார்கள்.

கிறிஸ்துவின் பெயருக்காக நீங்கள் அவமதிக்கப்பட்டால் நீங்கள் ஆசீர்வதிக்கப்பட்டவர்கள். ஏனெனில் இறைவனின் ஆவியானவர், அதாவது மகிமையின் ஆவியானவர் உங்களில் தங்கி வாழ்கிறாரே.