1 பேதுரு 5இலிருந்து பிரபலமான வேதாகம வசனங்கள்

பகிர்

உங்கள் கவலைகளையெல்லாம் இறைவனிடத்தில் ஒப்படைத்து விடுங்கள். ஏனெனில் அவர் உங்கள் மீது அக்கறை உள்ளவராய் இருக்கின்றார்.

எல்லாக் கிருபையையும் கொடுக்கின்ற இறைவனே உங்களைக் கிறிஸ்துவில் தமது நித்திய மகிமைக்கு அழைத்திருக்கிறார். சிறிது காலத்திற்கு நீங்கள் துன்பத்தை அனுபவித்த பின்பு, அவரே உங்களைச் சீர்படுத்தி பலப்படுத்துவார். உங்களை உறுதியாய் நிலைப்படுத்துவார்.

தன்னடக்கம் உள்ளவர்களாயும், விழிப்புள்ளவர்களாயும் இருங்கள். உங்கள் பகைவனான பிசாசு, கர்ச்சிக்கின்ற சிங்கத்தைப் போல் யாரை இரையாக்கலாம் என்று தேடித் திரிகிறான். விசுவாசத்தில் உறுதியாயிருந்து, பிசாசை எதிர்த்து நில்லுங்கள். ஏனெனில் உலகமெங்குமுள்ள உங்கள் சகோதர சகோதரிகளும் இதேவிதமான வேதனைகளை அடைந்து சகித்துக் கொண்டிருப்பதை நீங்கள் அறிந்திருக்கிறீர்கள்.

ஆகவே, இறைவன் உங்களை உரிய நேரத்தில் உயர்த்துவதற்காக, இறைவனுடைய வலிமை மிக்க கரத்தின் கீழே உங்களைத் தாழ்த்துங்கள்.

இளைஞர்களே! அவ்வாறே நீங்களும் மூப்பர்களுக்கு கட்டுப்பட்டு நடவுங்கள். நீங்கள் எல்லோரும் மற்றவர்களுடன் பழகும்போது மனத்தாழ்மையை ஆடையாய் அணிந்திருங்கள். ஏனெனில், “பெருமையுள்ளவர்களை இறைவன் எதிர்க்கிறார். ஆனால், தாழ்மையுள்ளவர்களுக்கோ கிருபையைக் கொடுக்கின்றார்.”