Tumaini, Jibidishe, Na PumzikaMfano

Tumaini

Katika maandiko yote, tunaambiwa kwamba ni Mungu, siyo sisi, anayeto matokeo kupitia kazi yetu. 1 Mambo ya Nyakati 29:12 inasema “Utajiri na heshima hutoka kwako wewe, nawe watawala juu ya vyote.” Kumbu Kumbu la Torati 8:17-18 inasema, “Hapo usiseme moyoni mwako, Nguvu zangu na uwezo wa mkono wangu ndio ulionipatia utajiri huo, Bali utamkumbuka Bwana, Mungu wako, maana ndiye akupaye nguvu za kupata utajiri.”

Katika miaka ambayo kila mtu anaweza kuanzisha biashara na ikafanikiwa, akaandika kitabu ambacho kikauzwa sana, au akaanzisha podikasti maarufu, inatia majaribu kufikiria kwamba ni juhudi zetu zinazoleta matunda kwa bidii zetu. Kama tutakavyoona kesho, Mungu anatuagiza kujibidisha na anatumia bidii yetu kuleta matunda kupitia kwetu. Lakini tunapoingia kwenye kazi yoyote mpya, lazima tuanze kwa kutambua ukweli usiopingika kwamba matokeo mwishowe yanaletwa na Bwana.

Katika Mithali 16, Sulemani anaweka mfululizo wa kutumaini, jitihada na kupumzika ambavyo vinatakiwa kuonesha jitihada ambazo sisi wakristo tunazifuata. Mstari wa tatu wa kifungu hicho, mwenye hekima huyu, ambaye hajawahi kutokea anatuagiza, “Mkabidhi Bwana kazi zako, na mawazo yako yatathibitika.” Kwa hiyo kabla ya jitihada, tunatakiwa kukabidhi kazi zetu kwa Bwana. Hii inaonekanaje, kimatendo?

Kwa wanaoanza, inaonekana kama kushika mistari kama tuliyosoma leo karibu na mioyo yetu, hapo kutukumbusha mara kwa mara kwamba ni Mungu, siyo sisi, atupaye matokeo. Kitu cha pili, tunakabidhi kazi zetu kwa Bwana tunapokwenda kwake kupitia maombi na kuweka tumaini kwake kwa njia ya matendo. Mwishowe, pamoja na matendo ya tumaini kwa Mungu kwetu na kwa Mungu, ni muhimu tukaweka tumaini hilo kwa matendo na kwa wengine wanaotuzunguka. Katika desturi inayofurahia uwezo wa "kujikweza mwenyewe", sisi wakristo tutatengwa katika ulimwengu tunapotambua wazi wazi kwamba ni Mungu, siyo sisi, ambaye anahusika kutupa matokeo kupitia kazi zetu.

Lakini kama tutakavyoona kesho, kutumaini ni sehemu moja ya fumbo. Ili kuwa chombo chenye manufaa kwa anayetuita, lazima tujibidishe katika kazi tulizozichagua.