Soma Biblia Kila Siku / Oktoba 2023Mfano

Wayahudi wakamwambia Pilato, Sisi hatuna ruhusa ya kuua mtu. Ili litimie lile neno lake Yesu alilolisema, akionyesha ni mauti gani atakayokufa(m.31-32). Maana yake nini? Wayahudi walikuwa chini ya utawala wa Warumi, na hawakuwa na ruhusa ya kutoa adhabu ya kifo. Njia ya kuadhibu iliyotumika zaidi na Warumi ni kusulibisha, yaani, kumweka mtu juu ya msalaba kwa kumpigilia misumari. Yesu alikwisha tabiri kifo cha aina hii akisema,Kama vile Musa alivyomwinua yule nyoka jangwani, vivyo hivyo Mwana wa Adamu hana budi kuinuliwa(Yn 3:14). Tena akasema,Nami nikiinuliwa juu ya nchi, nitawavuta wote kwangu. Aliyanena hayo akionyesha ni mauti gani atakayokufa. Basi mkutano wakamjibu, Sisi tumesikia katika torati ya kwamba Kristo adumu hata milele; nawe wasemaje ya kwamba imempasa Mwana wa Adamu kuinuliwa? Huyu Mwana wa Adamu ni nani?(12:32-34). Ni mateso makali!