Maombi Kwa Ajili Ya Umoja Katika Ndoa YakoMfano

Dirii Ya Haki

…ikamilisheni furaha yangu kwa kuwa na nia moja, kudumisha upendo ule ule, umoja wa roho, nia ya kusudi moja. Wafilipi 2:2

“Ndoa ni agano takatifu si tu mkataba wa kijamii. Mungu aliahidi kumbariki mwanamume na mwanamke na uzao wao ikiwa wangetenda kwa uaminifu kulingana na utawala Wake.” Tony Evans

Baba, baraka zako na kibali chako ni muhimu kwa ndoa yetu kufikia hatima yako uliyokusudia. Lakini baraka na kibali chako havijii kwa kujiendesha kwa sababu tu tumefunga ndoa. Tunazitafuta kwa kuishi, kufikiri na kupenda kulingana na mpango wako uliowekwa. Utusaidie kuona ndoa yetu kuwa zaidi ya uhusiano wa kutuletea furaha kila mmoja wetu au kutosheleza mahitaji yetu. Tusaidie kuiona kama agano takatifu ulilokusudia iwe. Tunapotazama ndoa kwa macho yako na mtazamo wako, itatutia motisha na kututia moyo kuishi kwa umoja mkuu kuliko uzoefu tulio nao sasa hivi.

Tunaomba kwamba pale ambapo ni mahali petu pa kufanya mabadiliko, kukua au kuunganika kwa undani mmoja na mwinigne, utupatie hamu na uwezo wa kufanya hivyo. Tafadhali tupe pia uwezo na nia ya kufanya hilo kutokea. Tunapofanya kazi pamoja tukiwa na nia moja, tukidumisha upendo ule ule, huku tumeunganishwa katika roho, na kuazimia kusudi lako, tutakuwa tunatimiza ajenda ya ufalme wako kwa ajili ya nyumba yetu. Hayo ni maombi yangu kwa ajili yetu sisi wanandoa. Katika jina la Kristo, amina.