Soma Biblia Kila Siku Septemba 2022Mfano

Hata waasi hutambua mengine kuhusu Mungu (m.10, Lakini watu hawa huyatukana mambo wasiyoyajua, na mambo wayatambuayo kwa asili wajiharibu kwayo kama wanyama wasio na akili; lakini kwa kadiri ya tabia yao ya kimwili tu, wala si kiroho. Wana wivu wa Kaini, tamaa ya pesa ya Balaamu, na roho ya kuasi mamlaka yote sawa na Kora. Kwa hiyo hujiharibu wenyewe, na ni hatari kwa wacha Mungu. Maneno yao magumu juu ya Mungu hayaleti maji ya uzima wala matunda yanayomsifu Mungu (m.12, Watu hawa ni miamba yenye hatari katika karamu zenu za upendo walapo karamu pamoja nanyi, wakijilisha pasipo hofu; ni mawingu yasiyo na maji, yachukuliwayo na upepo; ni miti iliyopukutika, isiyo na matunda, iliyokufa mara mbili, na kung'olewa kabisa). Unabii wa Henoko, pamoja na habari nyingine za Agano la Kale anazokumbusha Yuda, unathibitisha uhakika wa adhabu ya Mungu juu yao.