Pata programuSoma Biblia Kila Siku Juni/2022Mfano
Yuda alikuwa ametenda maovu. Alikuwa ameongoza mauzo ya ndugu yake Yusufu. Akawa hana raha!Akashuka kutoka kwa ndugu zake, akamfikia mtu Mwadulami, jina lake Hira(m.1). Afadhali kama angalienda kwa baba yake, lakini aliogopa kumwona! Sasa akazidi kujiingiza katika matatizo kwa kumwoa mkanaani, mtu asiyemcha Mungu (m.2). Ndipo wana wake nao wakawa watu wasiomcha Mungu! Wawili wakafa mapema kwa mkono wa Mungu kutokana na uovu wao (m.7 na 9-10)! Unapandaje? Jipime kwa kusoma Gal 6:7-10 usikie Neno linavyosema:Msidanganyike, Mungu hadhihakiwi; kwa kuwa cho chote apandacho mtu, ndicho atakachovuna. Maana yeye apandaye kwa mwili wake, katika mwili wake atavuna uharibifu; bali yeye apandaye kwa Roho, katika Roho atavuna uzima wa milele. Tena tusichoke katika kutenda mema; maana tutavuna kwa wakati wake, tusipozimia roho. Kwa hiyo kadiri tupatavyo nafasi na tuwatendee watu wote mema; na hasa jamaa ya waaminio.
Andiko
Kuhusu Mpango huu
Soma Biblia Kila Siku Juni/2022 ni mpango wa kusoma Biblia sehemu kwa sehemu kila siku kwa mwezi wa Juni pamoja na maelezo mafupi yatakayokusaidia kuelewa kwa urahisi na kuendelea kutafakari neno la Mungu ulilosoma kwa siku husika. Katika mpango huu utasoma zaidi katika kitabu cha Wafilipi na Mwanzo. Karibu kujiunga na mpango huu na usome bure
More
Tungependa kuwashukuru Soma Biblia kwa kutoa mpango huu. Kwa habari zaidi, tafadhali tembelea: http://www.somabblia.or.tz/
