Pata programuBibleProject | Tafakari ya Ujio wa YesuMfano
Mtume Paulo anasema kuwa Yesu mwenyewe ndiye amani yetu. Yesu aliondoa vitu vyote vinavyowatenga wanadamu kutoka miongoni mwao na kutoka kwa Mungu na sasa anatoa amani yake kwa wengine kama zawadi. Wafuasi wa Yesu wameitwa kupokea, kutunza na kukuza zawadi hii ya amani, inayohitaji unyenyekevu, upole, subira, na upendo.
Soma:
Waefeso 2:11-15, Waefeso 4:1-3, Waefeso 4:29-32
Tafakari:
Kwa mujibu wa kifungu hiki, Yesu aliletaje amani kati ya vikundi viwili vilivyotengana kabisa (Wayahudi na Watu wa Mataifa), na ni kwa nini alifanya hivyo (tazama mstari wa 2:16)?
Je, unahisi umetengwa kutoka kwa mtu yeyote katika maisha yako? Je, unataka kufurahia amani na mtu huyu tena? Kwa nini au kwa nini hutaki? Jaribu kuzingatia kile ambacho Yesu alikifanya ili kuleta amani. Ni maswali na hisia zipi zinajitokeza unavyotafakari kuhusu hili?
Chambua Waefeso 4:1-3 kwa makini. Unafikiri unyenyekevu, upole, subira na upendo husaidia vipi kudumisha umoja ambao Yesu alileta kwa wafuasi wake? Ni nini hutokea mojawapo ya maadili haya yanapokosekana? Huwezi kuwaamulia wengine, lakini ni uamuzi upi mmoja halisi unaoweza kufanya leo ili kukuza amani?
Chambua Waefeso 4:29-32 kwa kina. Yesu amekusamehe vipi? Je ni nani anahitaji msamaha wako?
Kuhusu Mpango huu
BibleProject ilibuni Tafakari ya Ujio wa Yesu ili kuhamasisha watu mmoja mmoja, vikundi vidogo vidogo, na familia kusherehekea majilio, au kuwasili kwa Yesu. Mwongozo huu wa wiki nne unashirikisha video za kikatuni, mihutasari mifupi, na maswali ya kutafakari ili kuwasaidia washiriki kuchunguza maana ya Biblia ya tumaini, amani, furaha, na upendo. Chagua mwongozo huu ili kujifunza jinsi maadili haya manne yamefika ulimwenguni kupitia kwa Yesu.
More
Tungependa kushukuru BibleProject kwa kutoa Mpango huu. Kwa habari zaidi, tafadhali tembelea: https://bibleproject.com
