Soma Biblia Kila Siku Januari 2021Mfano

Kila siku maisha yetu yanakabiliwa na kuamua kati ya njia ya wasio haki au njia ya wenye haki (m.6, Bwana anaijua njia ya wenye haki, bali njia ya wasio haki itapotea). Angalia matokeo ya mtu kuanza kushauriwa na watu wasio na maisha maadilifu: kwanza anakwendakatika shauri lao akiwaiga, halafu anasimamakatika njia yao akiikubali, hatimaye ameketibarazani pao akishauri vibaya kama hao (m.1, Heri mtu yule asiyekwenda katika shauri la wasio haki; wala hakusimama katika njia ya wakosaji; wala hakuketi barazani pa wenye mizaha). Tafuta mwenyewe katika m.3 matokeo ya kuizingatia sheria ya Mungu! Maneno ni yafuatayo: Atakuwa kama mti uliopandwa kandokando ya vijito vya maji, uzaao matunda yake kwa majira yake, wala jani lake halinyauki; na kila alitendalo litafanikiwa. Leo tunashauriwa kuchagua kwenda ndani ya mipaka ya mapenzi ya Mungu, ndipo tutastawi katika mambo yote.