Soma Biblia Kila Siku Januari 2021Mfano

Msingi wa Kanisa ni Kristo. Watumishi wa Mungu wanashiriki katika kulijenga kanisa. Kila anayeshiriki kazi ya kumshuhudia Kristo yampasa kutumia vifaa madhubuti na vya kuaminika, yaani mafundisho safi na sahihi na kuishi kiinjili. Wakristo wasio na viwango vya Neno la Mungu ni wadhaifu. Aghalabu wanakumbwa na mafundisho yapotoshayo. Maisha ya mtu hutegemea msingi wa imani aliyo nayo. Unapojiweka kwa Kristo unajenga msingi ulio imara ambao hautikiswi wala kutetereka.