Soma Biblia Kila Siku 11/2020Mfano

Jana tuliona makundi mawili wakimjaribu Yesu kwa nyakati tofauti. Leo wanaungana ili kupata nguvu zaidi. Lakini Yesu anatumia hali hiyo tena kuwafundisha kuwa imewapasa kumpenda Mungu na wanadamu. Namna gani tunaweza kumpenda Mungu na jirani zetu? Zingatia iliyoandikwa katika m.37-40: Mpende Bwana Mungu wako kwa moyo wako wote, na kwa roho yako yote, na kwa akili zako zote.Hii ndiyo amri iliyo kuu, tena ni ya kwanza.Na ya pili yafanana nayo, nayo ni hii, Mpende jirani yako kama nafsi yako.Katika amri hizi mbili hutegemea torati yote na manabii. Kisha Yesu anawaonyesha kuwa yeye ni Mwana wa Mungu; ndiye aliyetabiriwa katika unabii. Kwa hiyo walipaswa wamwamini badala ya kumchukia. Yesu Kristo yu umoja na Baba, yaani yu Mungu. Kumpinga na kumchukia ni kumkataa Mungu.