Soma Biblia Kila Siku 09/2020Mfano

Siku ya maana sana imefika. Mfalme wa Babeli ameuzingira mji wa Yerusalemu. Nabii anatumia mfano katika m.3-5 wa sufuria litokosalo akimaanisha ukuta wa Yerusalemu kama sufuria na wenyeji wa mji huu kama nyama. Huenda watu wa taifa la Yuda waliobaki ndani ya kuta za Yerusalemu walidhani wako salama, lakini Ezekieli anatabiri kwamba majeshi ya Babeli watawashambulia na kuwaangamiza humohumo ndani. Wapo Wakristo ambao wamejificha kwenye majina ya kuitwa Wakristo, kumbe maisha yao ni ya kipagani. Siku ya hukumu ikifika majina yao wala kanisa havitakuwa msaada kwao.