Soma Biblia Kila Siku 06/2020Mfano

Mafuta yale mliyoyapata kwake yanakaa ndani yenu (m.27 na 20). Yesu anapoitwa Kristo, inamaanisha kwamba ni yule Mungu aliyemtia mafuta, yaani, Roho Mtakatifu (ling. Mdo 10:38: Habari za Yesu wa Nazareti, jinsi Mungu alivyomtia mafuta kwa Roho Mtakatifu na nguvu naye akazunguka huko na huko, akitenda kazi njema na kuponya wote walioonewa na Ibilisi; kwa maana Mungu alikuwa pamoja naye). Sisi tunaomwamini tumepakwa mafuta (Roho Mtakatifu) kutoka kwake, na yeye anatufundisha ukweli. Bila shaka Mtume hapa amekumbuka neno la Yesu katika Yn 16:13: Atakapokuja, huyo Roho wa kweli, atawaongoza awatie kwenye kweli yote. Roho Mtakatifu anapopata nafasi mioyoni mwetu, tunatambua kwamba uongo na kweli haupatani. Kwa nguvu ya Neno la Mungu na Roho Mtakatifu uhai wa Wakristo utatunzwa mpaka Kristo atakaporudi.