SOMA BIBLIA KILA SIKU 01/20Mfano

Mafarisayo na waandishi walipaswa kuwasaidia watu namna ya kuzifahamu sheria za Mungu na kuzitendea kazi. Lakini wao walizifafanua kwa namna ambayo zilipoteza maana yake kamili. Sasa, Yesu anataka watu wajue kuwa dhambi siyo tu yale tunayoyaona kwa nje. Hata yale tunayokusudia ndani ya mioyo yetu, yale yaliyo kinyume na Mungu, hayo nayo ni dhambi. Pia Yesu anataka kwamba ikitokea kutoelewana au kukoseana, hata kama ni katika mambo ya kawaida, ni vema kupatana kidugu badala ya kukimbilia mahakamani ambako matokeo yanaweza kuwa mabaya zaidi.