SOMA BIBLIA KILA SIKU 01/20Mfano

Kutoa sadaka na kuwa na maombi ya kufunga ni jambo zuri. Lakini, kama tukifanya mambo haya kwa ajili ya kujipatia sifa kwa watu, ni makosa. Hapa katika somo inaonekana kulikuwa na tatizo hilo. Watu walifanya mambo na kujionyesha kwa wengine ili waonekane ni watu wema kwa sababu ya hayo matendo yao. Yesu anaonyesha kwamba hiyo heshima na utukufu wanaoutaka na kuupata kutoka kwa watu, utawafanya wasipokee thawabu kutoka kwa Mungu. Ni vizuri tujue kwamba wema au uzuri wetu haupo katika matendo yetu. Maisha yetu na matendo yanatakiwa yamtukuze Mungu.