SOMA BIBLIA KILA SIKU 01/20Mfano

Vitabu vitano vya kwanza vya Agano la Kale hujulikana kama vitabu vya Musa, au torati. Mafarisayo na waandishi walipaswa kusimamia sheria na taratibu za dini ili mapokeo ya Kiyahudi yafuatwe. Lakini Yesu alijua kuwa wanadamu wameshindwa kutimiza hayo kwa nguvu zao; akaleta ukombozi kwa njia ya neema. Hapo siyo kusema torati haina maana, ila ni kwamba Yesu ndiye mwenye kuitimiliza torati, na kwamba amekuja kutufanya washindi katika yeye. Ni lazima tutambue kwamba tusipokubali kukamilishwa katika Kristo, hatuwezi kuingia katika ufalme wa Mungu.