SOMA BIBLIA KILA SIKU 01/20Mfano

Kukutana na Mungu aliye mtakatifu kunahitaji maandalizi. Utaratibu wa maandalizi haya unatolewa na Mungu mwenyewe: Bwana akamwambia Musa, Njoo huku juu kwangu mlimani, uwe huku; nami nitakupa mbao za mawe na ile sheria na hiyo amri niliyoiandika ili uwafundishe (m.12). Musa anaamriwa na Mungu awaandae wana wa Israeli ili wakutane naye. Mungu ambaye ni mtakatifu, ndiye anayechukua jukumu la kuwaandaa watu wake, ambao ni wakosaji, ili wapate uwezo wa kukutana naye. Je, unajua Mungu amefanya nini ili kukutana na wewe na mimi? Katika Ebr 1:1 imeandikwa: Mungu, ambaye alisema zamani na baba zetu katika manabii kwa sehemu nyingi na kwa njia nyingi, mwisho wa siku hizi amesema na sisi katika Mwana. Na Mwana huyu, yaani Yesu, anasema, Njoni kwangu, ninyi nyote msumbukao na wenye kulemewa na mizigo, nami nitawapumzisha(Mt 11:28). Ni upendo, huruma na wema wa Mungu kwamba Yeye aliye Mtakatifu anatualika sisi wenye dhambi kwenda kwake!