Ingia katika KusudiMfano

Uvumilivu katika Imani 

Kumekuwa na mashujaa wazuri wengi waliotutangulia, wakiingia katika kusudi lao kuleta mabadiriko, kuufanya ulimwengu kama tunavyouona leo. 

Baadhi ya majina ni kama Nelson Mandela, Mother Teresa, hata Bethany Hamilton (ambaye pasipokujali ulemavu wake hakukata tamaa juu ya kusudi lake na wito wake.

Tunaweza kujifunza kutoka kwa hawa viongozi mashuhuri, na kuna sifa nyingi sana zinazowafanya waonekane mashujaa. Hata hivyo, nataka kuangalia sifa moja ambayo hawa watatu walikuwa nayo, ambayo ni msingi wa "kuingia kwenye Kusudi lako",- na hiyo niuvumilivu katika imani! 

Uvumilivu inaweza kuwa kazi ngumu tunapoishi katika ulimwengu uliojawa na vitu hasi- hasa kuhusu Ukristo na Mungu. Lakini jambo moja unaloweza kuwa na uhakika nalo ni kwamba Mungu yupo upande wako! Kama muumbaji wetu alikuita na kuumba kusudi lako, anakusudia wewe kulifikia kusudi hilo. Linaweza kuonekana kubwa kuliko wewe sasa hivi... na unajua kwamba, NDIVYO! Lakini ngoja nikutie moyo kwa hadithi ya jinsi nabii Yeremia alivyotokea na jinsi Mungu alivyomuita.

Katika Yeremia sura ya kwanza (kwa ufupi), tunamuona Mungu akimuita Yeremia kuwa nabii si kwa watu wake tuu lakiniMATAIFA - jukumu la kutisha siyo? Lakini Mungu huenda zaidi na kutuhakikishia na kutuimarisha kwa ajili ya kusudi lake (Yer. 1:9-14). Katika ukweli wote, Yeremia alikuwa na vingi katika eneo la kusudi lake, lakini Mungu anamuahidi Yeremia kwamba hatamuacha wala kumpungukia.

Kutoka kwenye ujumbe huu tunaweza kuwa na uhakika kabisa kwamba Mungu anakusudia wewe kufikia kusudi lako, hata kama kazi inaonekana ngumu. Tunaweza kupata ujuzi kutoka kwenye uvumilivu wa Yeremia kufanikiwa na Mungu! Adui hawezi kukigusa kilichoteuliwa na Mungu, mpaka tumpe kibali. Mungu amekuita ufanikiwe katika kusudi lako kwa sababu anakuamini na alikuumba maalum kwa jambo hilo. Yuko pamoja nawe na ulimwengu mzima uko nyuma yako! Kwa hiyo unua uso wako, endelea kusonga mbele na usisikilize uongo wa adui na kukatishwa tamaa. Uvumilivu ni ufunguo wa kuona kusudi la Mungu likitimia maishani mwako!

Wewe, usomaye haya, unaweza na utakuwa yule shujaa anayetakiwa na ulimwengu huu, kwa hiyo jipe moyo na usikilize ahadi Mungu aliyompa Yeremia- "'Na watapigana nawe; lakini hawatashinda;maana mimi nipo pamoja nawe, asema Bwana, ili nikuokoe.” (Yer. 1:19)

Imeandikwa na Ashleigh Meyer