Soma Biblia Kila Siku 5Mfano

Asafu, mtunzi wa zaburi hii, alimcha Mungu, tena aliongoza kwaya katika ukoo wa Walawi. Lakini ilimchanganya kuona waovu wakifanikiwa kuliko mtu wa Mungu. Hilo lilimfanya ajiulize maswali mengi. Jaribu hili lilitaka kumrudisha nyuma kiimani (m.2-3). Asafu alifikiri, wema wa Mungu ni kwa wacha Mungu na si vinginevyo (m.1). Tatizo la Asafu linatupata Wakristo wengi. Lakini leo tunafundishwa kuwa wema wa Mungu hauna mipaka (Baba yenu aliye mbinguni ... huwaangazia jua lake waovu na wema, huwanyeshea mvua wenye haki na wasio haki; Mt 5:45). Sisi Wakristo tuwaombee mema wasiomcha Mungu ili wema wake uwavute wapate kutubu.