Soma Biblia Kila Siku 1Mfano

Yesu alitumia kiu aliyokuwa nayo na maji aliyopewa kwa lengo la kuongea zaidi na yule mwanamke Msamaria. Alitaka kuanzia hapo azinduke na kujua kuwa kuna maji ya uzima ambayo ni Yesu peke yake anayeweza kuyatoa. Bado Yesu ana ‘kiu’ kuwapa watu maji ya uzima. Pengine anabisha katika mlango wa moyo wako sasa (ling. Ufu 3:20). Yesu anafahamu dhambi, taabu na mahangaiko yako yote. Na sasa anataka kuingia kwako akupe furaha tele na amani tele hadi uzima wa milele. Soma na tafakari zaidi m.14!