Mistari Maarufu ya Biblia kutoka মথি 14

Shirikisha

ছুগি লিই আম্যা থারি আতুওয়ক পিতরচা ক্রকলো রিইমা নঃ লাঃরিব্যা অর অঃলো প্রলিইরি, “আস্যাং ফোরা, ঙাগো কিছি।” যীশুচা খ্যাং খ্যাং আলাক ল্হেংলো কৈংলিইরি অর প্রলিইরি, “আক্যুং মিহিকরি লুঃউ, যাফু রাচা তুওয়কতিলি?”

ছুগি লিই আম্যা থারি আতুওয়ক পিতরচা ক্রকলো রিইমা নঃ লাঃরিব্যা অর অঃলো প্রলিইরি, “আস্যাং ফোরা, ঙাগো কিছি।”

যীশুচা খ্যাং খ্যাং তিবিরোগো প্রলিইরি, “ঙা ঙা; মক্রককি, চিই লেল্হেং প্যাংগে।”

পিতরচা যীশুগো প্রলিইরি, “আস্যাং ফোরা, আমেইং কুবাংরা ছুগি রিই আথাক্কা কুবাংবাদুঃ লাঃফু ‍আনা পিই।” যীশুচা প্রলিইরি, “লাঃ।” য়াংখা পিতরচা লংগা ছাংলো রিই আথাকমা সুওয়ালো যীশুবাদুঃ লাঃলিইরি।

যীশুনা পিতরচা লংমা তাকপ্রিইনক লিইচা তেং লাঃখারি। যাসুউরো লংমা হিকলিইরি য়াংসুউরোচা যীশুগো থাওরা ফোরা পুয়েং রুসিই থালো হ্রিইখুলো প্রগেলিইরি, “কুবাংচা আমেইং থাওরা ফোরামা সাঃ।”

যীশুচা তিবিরোগু প্রলিরি, “য়াংসুউরো লাঃফু আলু মিহিক। নাংরো য়াংসুউরোগু আঃচাঃ পিইগে।” তিবিরোচা যীশুগো প্রলিইরি, “ঙুরোমা দিঃমা রুটি ঙাস্যাক অর ঙা নৈকং আপি অর তুখুলি মিহিক।”

য়াংসুউচা প্রলিইরি, “য়াংচারোগো ঙাদুঃ য়ুউখা।” নক্কা যীশুচা লুঃউরোগো ম্রাক আথাকমা থৈফু আনা পিইলিইরি অর য়াং ঙাস্যাক রুটিনা ঙা নৈকংগো য়ুউলো গংখাংদুঃ ক্রিলো ফোরাগো কিজু তাংলিইরি। য়াংনক যীশুচা রুটিগো ফিলো তিবিরো আলাকমা পিইলিইরি অর তিবিরোচা লুঃউরোগো পিইগেলিইরি। য়াংসুউরো তয়কমুক্যুয়েং ওয়েংতিব্রি চাঃগেলিইরি।

চাঃব্রিইনক যা আপিরো ক্যা হিকলিইরি, তিবিরোচা য়াংচাগো কককেলিইরি-য়াংখা তিছিনৈ খারাং আব্রি ফ্রইরি।