Mistari Maarufu ya Biblia kutoka MATIUS 14

Shirikisha

Doba sug Petrus eiya lougb obsaresa duhu boc mogo medam, kaba, en ahau dau gin namcir. Hanoba en ebiji naugb en oc se duhu. Hang en eiyagarij Yesus, endagai: Adehsud, ban beigdoc danahabi, anai dan doc se duhu dangga. Sug Yesus ouman Petrus eiyagarij en dag ginohob, kaba, en ou mesira dedemeda naugb eigdoc en dau duhu. Hanoba en enara debin en, endagai: Dagiro naugb ban beija abuwesa dan dag gina? Aban geicara aninim dag sud hom gemod mena debsa dan namcirero.

Doba sug Petrus eiya lougb obsaresa duhu boc mogo medam, kaba, en ahau dau gin namcir. Hanoba en ebiji naugb en oc se duhu. Hang en eiyagarij Yesus, endagai: Adehsud, ban beigdoc danahabi, anai dan doc se duhu dangga.

Doba Yesus oho mer debin len, endagai: Yen yemahaulo. Anai aremoung menero, doba dang Yesus eng doucan yen gini. Dangga yen yemomi touwero.

Sug Yesus oho mer debin len danggohob, kaba, Petrus eija ucugb dou en, endagai: Adehsud, ban ingga dag misen, kaba, ban barougb dan naugb dan dec se duhu mod aud ban sungga toua. Dangga Yesus eija en, endagai: Ban bin. Sug Yesus eija en dag ginohob, kaba, Petrus esogwa dau ij, bec se duhu mod aud en toua.

Sug men logodeh gedig len leigtou se ing mes ingga len leiya dau gini, kaba, len lesijaresa en namcir. Hanoba len lenara, lendagai: Bani gini Allah Meisi misen namcir.

Doba Yesus en dougwo len, endagai: Dangga, isnaro. Doba yen eng yemeic ared dou len lemet. Doba men logodeh, len lenara launi Yesus mer ucugb, lendagai: Emen roti mogo sergem, dara hosei maga hwaito inggin dous. Dangga emedeinyum naugb len leinyana gin dagiro?

Dangga Yesus arougb len, endagai: Yen yodo dou dan suginahabi. Sug len leic roti dara hosei dou enohob, kaba, Yesus enara dou lusud laugwan naugb len lecguna leigtou se aremon. Sug len laugwan leigtouohob, kaba, en os roti mogo sergem dara hosei maga hwai graga icira en mesira, hanoba en eised mergo augb bogo dauntoba en en sijo dou Allah naugb gin toua. Sug en ocuncum dou Allah dauwohob, kaba, en ekris roti. Hanoba en eic dou men logodeh naugb len lohw an len ingga laugwan toua.

Dangga sug len laugwan let beicerohob, kaba, Yesus men logodeh len louci mougwu debinim se aigdaga mes sisa hobjerai batij an namcir.