Mistari Maarufu ya Biblia kutoka Matthew 6

Shirikisha

Gāgālū klā umās glā ḵā īkē awīnāqīs, glū egālazēs God; lā‐kl wīs glī da māmīkyās zawī gin dā yū klūtl.

Kā īk qālā awīlil kulāḵ tlinsklā: kā tlinsklā qilyā‐kulā mī klā; hītl‐ā umā yhī lāḵā numḵ sā nālā yiḵīs yāksāmī.

Lāgītlin nīk yūtl, qālā awīlil kulāḵs baqānum īnāyā kūs, yiḵīs hamē kla ūs, gla wīs nākā sū kla ūs: qālā yhī ḵād kā ūs oqīnā‐yā kūs, ḵīs uḵun dā yū klā ūs: kīsa ī hī awīlī qilē lāḵā hamāyā, gla wa oqīnā‐yī lāḵā qītlqēla?

Wa yiḵ sau īḵ hawāḵ‐ulas, la‐īkl lā lāḵīs gaīlas ūs, gil mī sis klāḵw‐stūt ḵīs kimyūlum ūs, hawāḵ‐ulāla lāḵīs Umpa ūs, yiḵā qalā klatlē; wa lā klīs Umpa ūs yikā qalā klatlē doqila, ēk hatlākā klūtl.

Gā klis lāgā kās hawāḵ‐ula ūs: KUNTS UMPA, lāḵā īkē māyā‐untla yhīs glīkum ūs. Kī‐nāqilā lā yhī da tlāwhila nū kūs, nānā‐kīgī sū lā yhīs naukā yūs lāḵ gā banīk awīnāqīs, hī qīx ī nānā‐kīgā yātlā īnāyākī lāḵā īkē awīnāqīs.

Zawlā gāḵunūh whā ḵwā nālāḵ sunūh hēmāya ḵōḵ nīnālāḵ.

Qālā āḵīlā ḵunūh yēkīnā‐yāḵ gānūh lēh kīs āḵīlāḵ yēkīnāya sa yāksāmī gāḵunūh

Qālā ēkstū‐sunūh lāḵā tlālā‐īkulē sa yāksāmī, au‐um a qāqilā gāḵunūh lāḵā yāksāmī.

Gil ma ā kūs klalīwīḵ yēkīnā‐yā sa baqānum lūtl, lā klīs īkē ūs Ump ōgwākā‐kl klalīwī‐kl ḵīs yēkīnā yūs.

Doqātlā las ḵā pīpā‐klūmas, kāḵs kīs dāḵwā ī zimā ḵā zimzā‐īmas, kīs dāḵw um ḵa ā wīs kīklalī‐sa, kīs dāḵw um ḵa ā wīs kapī‐zaula ḵā gūq; humgīla sū mī sīs īkē ūs Umpa: īzau tās āēkyā‐tlā kāwīh dāḵw sa?

¶ Qālā kapē kās uḵ dāḵwūs tlī‐lāwhilē lāḵwā awīnāqīsīḵ, ḵōḵ yhizayā sāḵs glū munkyā kās yāksumh‐īdī, yiḵoḵ gilūglā sāḵ sa gīsgilūklīq: Au‐uma kapē kās uḵ dāḵwūs tlī‐lāwhilē lāḵā īkē awīnāqīs, ḵā kīyōsa yhizayhā glū munkyā kā yāksāmā masa, yiḵā kīyōsa qā‐īglā tsa gīs‐gilū‐klīq kās gilūklī. Kā uḵ‐āsā sīs tlīlāwhilē ūs, hī um‐kl ḵa ā wīsī lēs naukā‐yūs.

¶ Kīyōsa ī baqānum hītl‐ā zaula kāgwī da nūqs mālūqī gīkumā‐yā: kā īḵs klīsīlī lāḵā ḵā numūq, kās tlāwhila nūqī sa numūq; wē yhī ulātlā lāḵ lāḵā numūq kās kīsī uḵ‐īḵsda ḵā numūq: kīyosa ā kūs qīh‐īda ās kātlāḵ God, gla wa tlīlā‐whila.

Gil mī lāḵī God‐tā kūḵ‐zūdāla ḵwā kītum‐āḵ sa awīnāqīs yiḵwā qāh‐qā‐ī sā ḵwā nālāḵ kās luḵw zū yawī kluḵ tlinsklā lāḵā qinyāzī, kīzau tā klī kē‐kāwī klī kūḵzaula yū kla sī lūtl‐ā? ā yūtl hūlatl‐ts oqizā‐lazī?

Gil uma yāqā ḵā wīwū‐sīlākā, qālā hītl‐kāla ḵīs kumḵūtlzana yūs kauklilāḵ qigīlas a sīs hītl‐kyūtl‐zana yūs: Kā qalā‐klātlī sīs yāqā mūs, lā klīs Umpa ūs ḵā qalā klatlē doqila, ēk hatlākā klūtl.

Yākaula kās kīsa ūsā ḵīs ēgālazī ūs doqitl tsa baqānum: gil ma ā kūs hē qēlī, lā klis kīyōs qēnum‐kl lāḵīs Umpa ūs yiḵā hē lī da īkē awīnāqīs.

Etid gil ma ā kūs fast, qālā hī qīxī da klīk‐klaqis āḵs yēkilka‐mātla ī; yiḵs whāsnī ka ā ḵīs kūqā‐kumā‐yī, kās dā‐dōqila māzīḵ baqānum sīs īzīnāyī hamāp: lin aul nīk yūtl la um hatlāka‐qā. Wa yik sau īḵ fast, klātīdāḵs yhūms‐īḵ, glū kās zūzaḵwum dā ūs; Kās kīs tā āqā ūs hī qīgīlīs qīgīlā sūs lāḵ baqānum, kā hīgāmī sīs Umpa ūs yiḵā qalā klātlē; wa lā klīs Umpa ūs yiḵā qalā klātlē doqilā, ēk hatlākā klūtl.