Mistari Maarufu ya Biblia kutoka Matthew 7

Shirikisha

Uḵ‐kyālāla, la mī sī zawē klūtl: ālē‐lā, la mī sis khā‐kl: mayhitl‐tawēlā, la mī sī uḵ‐stū zū‐kl kās.

Kā ī da nāwhā uḵ‐kyāla, lo‐kl um: gla wī da ālē, khā um: hī mī sī da mayhitl tauyī uḵ‐stūd gītl um‐kl.

¶ Kā‐īk yiḵī da wudklila kla ḵun wātldum, glū kās hē gāḵ qīgīlī, lā klin numā‐yhisā mas kla kī gla wa naukā‐dī baqānum, yiḵā gūqīlē ḵīs gūq lāḵ oskamā‐yā sa tīsum

Kā īk, yiḵ nāwhā ūs qayū‐lāḵ kā qīgīlats baqānum‐ī lūtl, hī‐umas qīgīlas‐uk: kāḵs gamā ī wātldum sā law gla wa prophets.

Kā īḵs doqā‐ī da diyhilē glūḵs nukulā ā, yiḵā lā la ē lāḵ qilā, hūlātl gītla sa khā klā kī.

¶ Lā ī‐kl la lāxau lāḵā dōqā diyhilā: kā līḵ‐īnāyā glā sa diyhilē, wāzawī da la‐āsa, yiḵā lē lāḵ yēkī‐lākē, kīnum tā klī da lā klā lā ī‐kl lākī

Wāh dāḵw mī lāḵā kūs yāksum lāḵ, kā glā sū kauklilā lāḵuḵ zaws ēk yāqum lāḵīs ginginānum ūs wīzau klī lā‐kl wāḵā klī da ēkī zūza‐īmas zawē kla sīs Umpa ūs yiḵī da hē lī da īkē awīnāqīs lāḵā uḵ‐kyālā kla kī.

Qālā kyā‐kyūd za wāḵ, kās kīsā ūs kyā‐kyūd za wā sa‐wā. Kā īs dādalī tātla īnī kla ūs dādalī tā‐yūkl, hī‐um dādalī tā‐yū klūtl: gla wīs munyāyū kla ūs munyum‐kl, hī‐um ḵa ā wīs munyum klūtl ītīd‐kl.

Wa yiḵī da nāwhā wudklilāḵ gin wātldumk, kās kīsī hē qīgīlī, lā klī numā‐yhizim‐kl gla wa nanūlū baqānum‐a, yiḵā gūqīlē ḵīs gūq lāḵ ūzau līsā sā īgīs

Mās tīs doqātla gītla ūs‐āḵ klāstau‐yā sīs numwiyūt‐ūs, kīsa āḵ glā kūs gīgāī‐kulā ḵā kyād‐stawī zē ḵīs kayākus‐ūs? Wīh īda zau tā klas nīk‐kl ḵīs numwīyūtūs, nīḵ wūtl zū dā yhin klā ḵwā klāsātlāḵ lāḵs kayākus‐ā kūs, dōḵ‐wā kyād‐stawī zē ḵūs kayākus‐ā kūs?

Yāklaula kā ī da kākoklā‐mas būtla yiḵī da gāḵī lūtl gīzaul lāḵā lāmādo‐qinā‐yī lā tā āwā‐kayas kīs hīlūmas āklānum‐ā. Yiḵ qīgīlas as hī‐ums mātl‐tēlā gītl kluḵ; kapē mā ī baqānum‐āḵ grapes lāḵā kakanī umsā, gla wā figs lāḵā yāksām‐ī kītumā ā?

Hē qīx‐ī da nāwhā ēk glōsā gāḵā mas ḵā ēk nūna‐wīmāsa; lā tī dā ūzā‐ḵā glōsā gāḵā mas ḵā yāksāmī nūna‐wīmāsa.

Yiḵī da ēkī glōs‐a kīyōs qīh‐īda ās‐ts gāḵā māsuḵ yāksāmī nūna‐wīmāsa, kīyōs um ḵa ā wīs qīh‐īda ā‐tsā ūzā‐ḵā glōs, gāḵā māsuḵ ekī nūna‐wīmāsa.

Yiḵ nāwhā glōs kīs gāḵā mas uḵ ēk nūna‐wīmāsa sūbā‐ḵūd tsū tā, kās lāk‐klā na wī lāḵā gwiltā.