Populära bibelverser från Matiyu, echî 5

Dela

Nne á bhó nyoé ńtʉ́ríkáŋ, a kô ejûm a bhúi. Á kik nná ka echî ébhúní se ane chénchén ka njû á yén ebhát. Ka ekpak njí mân, deê erû ejə́né é jóe noŋ ebhát mbâ ane chénchén. Ane á yen, á káre nkat mbâ Obhasi Ńsé owəné nnyo a ri ka ósô.”

“O ri ên noŋ ebhát í ngun. Eték nji á gbée ka ńchí egúí, é ká joé ka ebhə̂t.

Deê ogyebhá-ḿbə́ŋé ó jóe na ane mba á fóne ḿbə́ŋé ábho jáé, tîk á yên Obhasi.

Deê ogyebhá-ḿbə́ŋé ó jóe na ane mba ndûm íkíkéré ḿbə́ŋé ábho a ri sê á yîm iyîm mbi í rî ka nnyen-i-mbá, Obhasi tîk a káre ábho nji á wóme.

Kən mme, n kí səre ên bəre ó kôt ên ane ebhan abhə́né. Gorê ên Obhasi sê a ri nsôn na ane mba á kára ên oseŋe.

“Deê ogyebhá-ḿbə́ŋé ó jóe na ane mba á məŋe sê á rî noŋ akpák ka achot Obhasi, otúi Obhasi a ri mbi ábho.

Deê ogyebhá-ḿbə́ŋé ó jóe na ane mba á nógha sê ekone é jóe ka ngun, Obhasi tîk a bhîŋ ábho se abhon abhê.

Deê ogyebhá-ḿbə́ŋé ó jóe na ane mba á rî ka ekʉ̂, Obhasi tîk a fôn ábho obhə́bhe.

Deê ogyebhá-ḿbə́ŋé ó jóe na ane mba ngun á kí karé ábho onyʉk ka á kí yim ejûm nji Obhasi a wóme, otúi Obhasi a ri mbi ábho.

Deê ogyebhá-ḿbə́ŋé ó jóe na ane mba á kí ri nsôn na atem-ane, Obhasi tîk a rî ábho nsôn.

Deê ogyebhá-ḿbə́ŋé ó jóe na ên nji ane á tu ên, á bhibha ên, á nyerá ên mkpak achot áfúbhí ka ó tobha ên ə̂m. Gyebhê ên ḿbə́ŋé kpe-eji, ka Obhasi a kî ên ekpatə́m ekəp ka ósô. Nâ noŋ á yími fə́ne na akará-otîp Obhasi ebhú áji.”

Deê ogyebhá-ḿbə́ŋé ó jóe na ane mba á ká kep biji ábho sê á chiŋi ochíŋ, tîk ngun nnyí a jóe nnyi ábho.

“O ri ên noŋ akâŋ mbâ ane ngun chénchén. Kən ájoé ogyep akâŋ ó man, ekpak nji á kí yim ḿmáne á kpó gyebhé cháŋ. Eji á kí kpo ko ḿmáne á yîm kpe ejûm cháŋ. Á kí bhum ḿmáne ane á chemá.

Nâ deê mân erû ejə́né é jóe ka nnyen-i-mbá noŋ nji Ńsé owəné ka ósô.”

Kpe é fóghe wâ nan, nji o fonê ka eyimím a ri ekamám se, ‘Nn̂,’ na etáŋám se, ‘Ée.’ Nji ó kpo chot é chíŋi njí, é dʉ̂ mbâ Satan.”

“Ó yuk ên noŋ á tóe sê, ó tane eyə̂t í ntem, á táne ejâ eróŋ. Ó mək eyîŋ í ntem, á yíghi fə́ne ejâ. Kən mme, n kí səre ên bəre, nne á yim wâ ejûm, deê o kâ yîm yê ó fé. Nne á sum wâ nsâp ka okîk obhô-orûm, kpíghi, tóŋé yê fə́ne okîk obhô-okáé, yê a súm.

Ájoé eyə̂t obhô-orûm ejâ é kí kak wâ ka obhí, kpaghê ńjə́ne bhum. É nop sê ó bhíbhí eyô-biji ejâ jə́t, na nji o kí joé biji ibhâ ndə́m, o gyê ka erəmta-ngûn. Ájoé obhô-orûm obhâ ó kí kak wâ ka obhí, gbût bhum. É nop sê ó bhíbhí eyô-biji ejâ jə́t na nji ó kə́n biji ndə́m ó kâk ka erəmta-ngûn.”