Populära bibelverser från Matiyu, echî 6

Dela

Nâ deê ó nót ên kpá otúi obhê na ekpin ka nnyen-i-mbá, tîk yê a káre ên chénchén iyîm mbí.

Ka kúmi ên mân o kérá ójô-ójô. Ójô ábhi ó fon ifê íkíkéré. Kpe bhaghé ofú ngun ó fon amê achot mma á bhíghi na ḿbə́ne.”

“Nâ echî n kí səre ên bəre nne a kâ káre biji oseŋe ka ejûm nji a kí di na nji a kí gwo kən a fon ekpin. Nne a kâ káre biji oseŋe ka nji a kí kak ka biji. Njə́n nji é chíŋi ochíŋ, ekpin kən édî, biji kən ḿfô?

Kən ebhú nji o kí wom ó góre Obhasi, choŋ ka mmon-i-njû enuŋ owa, gyê, o bhâm njû. Gorê mân Ńsé owa, Obhasi, nnyo we ó bhó yen. Ńsé owa Obhasi fə́ne nnyo á yena nji ó yimá ka ebhə̂t, tîk a káre wâ ekəp.

Deê nne a goré Obhasi ka ekpak njí. Obhasi Ńsé owəré nnyo a ri ka ósô, deê mbiŋ eya a fon ekpatə́m ejík. Deê otúi obhâ ó bhá. Deê nji we o wóme, é jóe ka nsi noŋ é rî ka ósô.

Karê êt nji e kí di égyé.

Ri nsôn su obhí mbi e yimî noŋ êt fə́ne é rik nsôn e gyiná mbi ane á yíma êt.

Ka kâm é gyé ka egaé. Nyáŋe êt, ikom í Satan í kâ fî êt osʉ́ŋ.

Nâ é rî sê ó ri ên nsôn o gyíni ên obhí mbi ane á yími ên, Obhasi Ńsé owəné ka ósô a kí ri fə́ne nsôn a su obhə́né eróŋ.

Yuŋ ên kpá amə̂t, kép ên nnón mmi ḿ fə́bha ka ósô, édî á bhó kpaŋ kən á fʉ̂, á ká fon eji nji sê á chúi édî á kí. A ri Obhasi Ńsé owəné nnyo a ri ka ósô nâ á gyek ábho. We mân na nnón ámi, nne nnyo a faŋê a chíŋi ntem nâ énê?

“Nne a kâ nôk se yê a gbo efaŋ a ri ka nsi nnyí. Ḿfa ka nsi, oké na ḿfáríkáŋ í kí bhibhi iyîm mbí í káre yê efaŋ. Anyághá-ajʉ̂ á kí gye á jʉ̂. Kən deê nne a nok a gbo efaŋ nji ósô. Ágo oké na ḿfáríkáŋ í bhó bhibhi efaŋ áji. Anyághá-ajʉ̂ á bhó gye á jʉ́. É rî sê, eji ejûm efaŋ ejâ é joé, ḿbə́ŋé eya á joá áfo.

“Kpe nne yót nnyo a kí tʉk ásé ábháe cháŋ. A kí kot yót, a mághe yót. A kí karé ḿbə́ŋé eye mbâ yót, a kêp yót fóŋ. Ó bhó joé ḿgbán o káre Obhasi, o jóe o káre efaŋ í ngun ka ebhú jə́t.”

Obhasi nâ á sobhá ajé ka etə́m. Ajé mma, égyé á rî mfá, ójô á kpo, á kak ngûn á righi. Ájoé Obhasi a kí sobhe ajé ka ekpak njí, ó kere ên mân sê tîk á bhó sobhé ên a? Jen nji ó bhó ki ên ḿbə́ŋé sê Obhasi tîk a yîm noŋ a chorê?

Kən ájoé ó nyaŋe ntem nnyo a ri ka eket, gyinî ogyiní kpe ntem i ḿbə́ŋé owa o kâ sə́re. Deê é jóe ejûm ebhə̂t. Ka ekpak njí, Ńsé owa Obhasi nnyo á yena achot kpe á rî ka ebhə̂t, tîk a káre wâ ekəp.”

“Kó ebhú o kâ tóŋe biji se we ó yimá ekpin ka ekpak nji Obhasi a wóme. Ó toŋe biji ka ekpak njí, Obhasi Ńsé owa nnyo a ri ka ósô, á bhó karé wâ ekəp.”

“Ájoé o kí ka njaé se ó jíghí Obhasi, o kâ kə̂t na ochî nsôn-ńsôn noŋ ane áfúbhí á yíma. Á jéna á fará na ochî njaé-ńjáe ane á yén sê ábho á ka njaé á jíghí Obhasi. Deê ń sə́ré ên bəre ta á fon ekəp ábho chénchén ebhú jə́t. Ájoé o kí ka njaé, su ochî obhâ, o jóme akʉ́ noŋ ó yimá mbôp nnyí. Ka kâm ane etat á mə́ŋe sê o ri ágo o kák njaé təm Obhasi átíŋ nnyo a ri Ńsé owa, kən ó bhó yen yê. Yê nnyo a kí yen nji ó yimá ka ebhə̂t, tîk a káre wâ ekəp.”