Ura për te MarkuShembull

Fjala e Zotit është e vërtetë

Çdo gjë që Zoti Jezus tha në lidhje me Jerusalemin ka ndodhur. Edhe fjalët që Danieli pati folur qindra vite më parë, u realizuan. Një perandor romak, Kaligula (Caligula), u përpoq të vendoste një statujë të vetvetes në altarin e tempullit të Perëndisë. Pas kësaj, judenjtë e ligj bënë gjëra shumë vulgare në tempull. Më në fund, ushtarët romakë e rrethuan dhe e pushtuan Jerusalemin, dhe i tërë tempulli u shkatërrua dhe u dogj. Rreth një milion judenj vdiqën gjatë kësaj kohe. Shumë prej tyre u kryqëzuan! Romakët bënë aq shumë kryqe, saqë nuk kishin mbetur më pemë rreth qytetit. Prandaj Zoti Jezus i paralajmëroi të zgjedhurit e Tij të largoheshin. Ata nuk duhet të qëndronin në Jerusalem; në fakt, për shkak se të zgjedhurit e Tij iu bindën paralajmërimeve të Tij, të gjithë u larguan në vend të sigurt përpara se ky shkatërrim të ndodhte.

Sa i tmerrshëm është zemërimi i Perëndisë ndaj mëkatit! Duke e refuzuar Zotin Jezus, populli i Izraelit e ofendoi thellësisht Perëndinë Atë! Perëndia kishte dërguar Birin e Tij tek armiqtë dhe rebeluesit, e kishte dërguar me mesazhin e shpëtimit të Tij! Ai nuk e kishte dërguar Zotin në këtë botë që t’i dënonte mëkatarët, por që t’i shpëtonte ata (edhe pse bota e meritonte dënimin)!

Edhe ju e keni dëgjuar mesazhin. Çfarë mendoni që po ju thotë Perëndia? Ai ju thërret t’i afroheni dhe t’i bindeni Atij, duke e besuar mesazhin e Tij. Ai na paralajmëron, për shkak se na do dhe nuk gjen kënaqësi në shkatërrimin tonë. Por Ai gjithashtu na paralajmëron përmes shembullit të Jerusalemit. Nëse e shpërfillim Atë dhe e refuzojmë dashurinë e Tij, mund të presim vetëm zemërimin e Tij. Vini re çfarë i ndodhi Jerusalemit – ishte si të përjetoje ferrin në tokë!

Mos u bëni të pamend! Mos prisni deri kur të mos ketë më kohë! Mos u vononi deri sa të vijë ajo kohë që ju e gjykoni si koha më e mirë për të kërkuar Zotin. Sot është koha më e mirë për ta kërkuar Zotin, sepse pas së sotmes, mund të mos ketë kohë tjetër.