Një Shkundje GëzimiShembull

Çfarë dëshiron shpirti yt? Ke një dëshirë të madhe për të fituar shumë para? A ke dëshirë ta nxjerrësh burrin tënd jashtë një herë e përgjithmonë? A dëshiron të flesh një natë të plotë? A dëshiron të shkosh në rrugën tënde ose të shprehesh lirshëm pa rezerva? Psalmisti dëshironte shumë gjykatat e Zotit! Davidi dëshironte thjesht të kalonte thjesht me Perëndinë në dashurinë e gjithçkaje që gjendej në praninë e Perëndisë.

Ti kurrë nuk do të përjetosh gëzimin që ishte menduar për ty, derisa të zgjidhësh çështjen e dëshirave të tua në jetë. Kur më në fund të dëshirosh shumë për praninë e Zotit dhe për të jetuar sipas mënyrës së Tij dhe jo sipas mënyrës tënde, është në atë moment të çmuar që ti do të marrësh gëzimin e Tij. Kur më në fund e kupton se jeta jote nuk ka të bëjë me ty ... por se ka të bëjë me Atë ..., do të përjetosh kënaqësinë e pasur të gëzimit që gjendet vetëm në praninë e Tij. Dëshirat më të thella dhe më urgjente të shpirtit tënd do të kënaqen vetëm prej Tij.

Shpresoj që ta kesh përjetuar kënaqësinë e mahnitshme që vjen nga këndimi i një kënge lavdërimi Perëndisë. Herën tjetër që të "ndihesh" sikur po shpërthen në zemërim ... po sikur të këndosh një këngë me adhurim të pasur në vend të kësaj? Herën tjetër që të "ndihesh" sikur duhet të tregonsh anën tënde të historisë... po sikur të përkulësh kokën dhe të lejosh fjalët e një himni të sjellin paqe në shpirtin tënd? Herën tjetër që kritikohesh nga një vajzë në punë ... po sikur të pëshperisësh me zë të ulët një këngë adhurimi?

Riprogramo përgjigjet e tua nga zemërimi në këngë ... nga zhgënjimi në adhurim ... dhe nga padurimi në lavdërim. Zoti me të vërtetë kujdeset për mënyrën se si u përgjigjemi këtyre çështjeve të përditshme të jetës dhe unë, ashtu si Psalmisti i shumë kohëve më parë, do të zgjedh të këndoj!