Më mirë së bashkuShembull

Përkrahni të tjerët duke i pranuar ata

Ja një sekret i vogël: Të gjithë kërkojnë përkrahje. A e keni vënë re këtë? Njerëzit do të bëjnë pothuajse çdo gjë për ta pasur atë. Nëse nuk e besoni, shikoni disa nga shfaqjet televizive. Shikoni se çfarë bëjnë njerëzit për të dalë në TV, vetëm e vetëm që njerëzit t’i duartrokasin.

Perëndia është një Atë shumë përkrahës dhe i dashur. Kur i përkrahni njerëzit e tjerë, po tregoni dashuri dhe po përfaqësoni Krishtin. Jezusi i përkrahi njerëzit ndërsa shërbente, kështu edhe ju po shërbeni si Jezusi. Ju po i tregoni botës pak më shumë se si është Perëndia.

Një nga mënyrat më të mira për të përkrahur njerëzit në jetën e përditshme është t'u shfaqësh atyre pranim. Romakëve 15: 7 thotë: “Pranoni njëri-tjetrin, atëherë, ashtu si Krishti ju pranoi" (NIV). Zgjedhja e lehtë ndonjëherë është që t’i qortojmë, t’i nënvlerësojmë dhe t’i poshtërojmë njerëzit, sidomos kur nuk maten me standardet tona. Ne të gjithë kemi një prirje që t’i marrim pikat tona të forta dhe t’i projektojmë te njerëzit e tjerë dhe pastaj t’i ulim ata kur nuk i plotësojnë pritjet tona. Për shembull, mund të jeni dikush që është gjithmonë i përpiktë dhe kur njerëzit e tjerë janë të vonuar, ju tentoni ta shikoni poshtë hundës suaj atë. Në të njëjtën kohë, ju bën të ndiheni mirë për veten, sepse jeni më mirë nëse jeni në kohë. Ose ndoshta je një person shumë i rregullt, i cili e vë re shumë rrëmujën kur shkon në shtëpitë e të tjerëve dhe kjo ju bën të ndiheni më mirë për veten tuaj. Ne priremi të projektojmë forcat tona te të tjerët, duke harruar që kemi dobësi në fusha të tjera.

Më lejoni t'ju them një mënyrë më të mirë për t'u ndjerë më mirë për veten tuaj. Në vend që ta bësh këtë duke i ulur të tjerët, pse të mos përpiqesh t’i inkurajosh të tjerët? Bibla thotë në Romakëve 12:10: “Ta doni njëri-tjetrin me dashuri vëllazërore [si anëtarë të një familjeje], duke i dhënë përparësi dhe duke treguar nderim njëri-tjetrit” (AMP). Në mënyrë që të kryejmë punën e Perëndisë, unë dhe ti duhet të vlerësojmë dallimet e dhëna nga Perëndia mes nesh dhe mënyrën se si jemi formuar në mënyrë unike. Ja se si e dini kur e keni pranuar dikë: Ju ndaloni të këmbëngulni që ata të jenë ashtu si ju. E kuptoni dhe gëzoheni në faktin se ata janë ndryshe. E vërteta e çështjes është, bota do të ishte një vend i mërzitshëm nëse të gjithë do të ishin ashtu si ti. Pra, Perëndia na ka bërë në të gjitha llojet e ndryshme të mënyrave për të bërë të gjitha llojet e ndryshme të gjërave, kështu që gjithçka mund të bëhet në këtë botë. Qëllimi i një familjeje, një grupi të vogël, një familjeje kishe ose ndonjë grupi bashkësie nuk është që të krijojë njerëz në imazhin tuaj, por të pranojmë dhe përkrahim njëri-tjetrin dhe të ndihmojmë njëri-tjetrin të zbuloni se si ju bëri Perëndia të jeni.

Dëgjo mësimin e sotëm audio nga pastori Rik >>