Oswald Chambers: Paqja - Jeta në FrymëShembull

Ne flasim për “rrethanat mbi të cilat nuk kemi kontroll”. Askush prej nesh nuk ka kontroll mbi rrethanat e veta, por ne jemi përgjegjës për mënyrën se si e pilotojmë veten në mes të gjërave ashtu siç janë. Dy anije mund të lundrojnë në drejtime të kundërta në të njëjtin erë, sipas aftësive të pilotit. Piloti që e drejton anijen drejt shkëmbinjve thotë se nuk kishte ç’të bënte, era ishte në atë drejtim; ai që e çoi anijen e tij në port kishte të njëjtën erë, por ai dinte si t’i përshtatej lundrimit në mënyrë që era ta çonte në drejtimin që ai donte. Fuqia e paqes së Perëndisë do t'ju mundësojë të drejtoni kursin e jetës suaj në lëmshin e jetës së përditshme.

O Zot, unë kthehem te Ti, te Ti. Jam veçse një varfanjak i pastrehë derisa Ti më prek me sigurinë e paqes tënde, me ndjesinë e ëmbël të dashurisë tënde.

Pyetje reflektimi: Çfarë fuqie ka paqja në jetën time? A i heq paqes prej fuqisë që ka duke këmbëngulur që t’i nënshtrohet “logjikës” sime? Çfarë mund të jetë më e sigurt se të jesh në paqe me Perëndinë e dashurisë?

Citimet janë marrë nga “Disiplina e krishterë dhe trokitja në derën e Perëndisë” © Botuesit e Shtëpisë së Zbulimit