Deuteronomio 32
32
Rwiyo rwaMosesi.
1Inzwa iwe ɗeŋga, ndicataura;
Nenyika ŋgainzwe mashoko omuromo waŋgu;
2Kudzidzisa kwaŋgu kucaɗonha semvura,
Kutaura kwaŋgu kucayerera seɗoʋa,
Seguti paɓumhudza nyoro,
Sokupfunha kwemvura paʋuswa;
3Nokuti ndicaparidza zita raJehova;
Rumbidzai ʋukuru bgaMŋari weɗu.
4Iye ndiro ɗombo, ɓasa rake rakakwana;
Nokuti nzira dzake dzose dzakarurama.
Ndiye Mŋari wakatendeka, usiŋganyeŋgeri,
Wakarurama, ndowaɀokwaɗi.
5Ʋakamuitira ɀakashata, haʋazi ʋana ʋake, ndiko kuremara kwaʋo;
Iʋo rudzi rwakatsauka, rwakakombama.
6Munoripira Jehova saiɀoɀo here,
Nhai, imi mapenzi asina‐kuŋgwara?
Ko haazi ɓaɓa ʋako ʋakakuɓereka here?
Ndiye wakakuita, nokukusimbisa.
7Raŋgarira mazuʋa ekare,
Fuŋga makore amarudzi mazhinji;
Bvunza ɓaɓa ʋako, ndiʋo ʋacakuratidza;
Naʋatana ʋako, ndiʋo ʋacakuʋudza.
8Wokuɗeŋga‐ɗeŋga ŋguʋa yaakapa ndudzi nhaka yadzo,
Ŋguʋa yaakaparadzanisa ʋana ʋaʋanhu,
Wakatema miganho yendudzi
Aciraŋgarira kuwanda kwaʋana ʋaIsraeri.
9Nokuti mugoʋe waJehova ndiʋo ʋanhu ʋake;
Jakobo ndiyo nhaka yake yakayerwa.
10Wakamuwana munyika yesaŋgo,
Murenje risinecinhu, rinotyisa;
Wakamukomberedza, nokumutarira,
Nokumuceŋgeta semboni yeziso rake;
11Segondo rinomutsa ʋana ʋaro,
Ricieŋgerera pamsoro paʋana ʋaro,
Ricitambanudza mapapiro aro, riciʋagamucira,
Riciʋaɓereka pamapapiro aro;
12Saiɀoɀo Jehova, iye oga, wakamutuŋgamirira,
Kwakaŋga kusinamŋari wokumŋe kwaari.
13Wakamutaȿisa panɀimbo dzakakwirira dzenyika,
Wakadya micero yeminda;
Wakamuȿutidza ʋuci bgunobva paɗombo,
Namafuta anobva paɗombo romusarasara,
14Nomukaka wakafa wemhou, nomukaka wamakwai,
Pamŋe cete namafuta amakwaiana,
Namakondobge orudzi rwapaBashani, nembudzi,
Namafuta etȿo dzekoroni;
Iwe wakanwa waini yeropa ramazambiriŋga.
15Asi Jeshuruni wakazokora, ndokupfura,
Iwe wakakora, wakaʋa mukobvu, ukaʋa namafuta,
Ɀino iye akarasha Mŋari wakamuita,
Akaɀidza ɗombo rakamuceŋgeta.
16Ʋakamugoɗoresa naʋamŋari ʋokumŋe,
Ʋakamutsamŋisa neɀinonyaŋgadza;
17Ʋakaɓayira mŋeya yakaipa, yakaŋga isi Mŋari,
Ʋari ʋamŋari ʋaʋakaŋga ʋasiŋgaziʋi,
Ʋatȿa ʋakaŋga ʋacaŋgomuka,
Ɀakaŋga ɀisiŋgatyiwi namadziɓaɓa enyu.
18Ƌombo, rakakuɓereka, hauriraŋgariri,
Wakakaŋganwa Mŋari wakakupona.
19Jehova wakaɀiʋona, akaʋarasha,
Nokuti wakatsamŋiswa naʋanakomana ʋake naʋanasikana ʋake.
20Akati: Ndicaʋaʋanzira ciso caŋgu,
Ndinoɗa kuʋona kuguma kwaʋo, kuti kwakaɗiniko;
Nokuti iʋo rudzi rwakatsauka kwaɀo,
Ʋana ʋasina‐kutendeka cose.
21Ʋakamutsa goɗo raŋgu necinhu cisati ciri Mŋari;
Ʋakanditsamŋisa neɀinhu ɀaʋo ɀisinamaturo;
Neni ʋo ndicaʋagoɗoresa naʋasati ʋari ʋanhu;
Ndicaʋatsamŋisa norudzi runopeŋga.
22Nokuti mŋoto wakaɓatidzwa pakutsamŋa kwaŋgu,
Unopisa kuȿikira pasi kugomba raʋakafa,
Unoparadza nyika neɀiɓereko ɀayo,
Unotuŋgidza nheyo dzamakomo.
23Ndicatutira njodzi pamsoro paʋo,
Ndicapedza miseʋe yaŋgu ndiciʋafura.
24Ʋacawonda nenzara, nokuparadzwa nokupisa kukuru,
Nokuparadzwa kwakaiȿo‐ipa;
Ndicatuma meno eɀikara kwaʋari,
Pamŋe cete nomuti unoʋuraya weɀinokambaira muguruʋa.
25Munondo ucaʋatorera kunze,
Nokutyisa mudzimba dzomukati;
Ɀicaparadza jaya nemhandara,
Mŋana unomŋa pamŋe cete naʋarume, ʋacena vudzi.
26Ndakati, ndicaʋafuridzira kure,
Ndicagumisa kuraŋgarirwa kwaʋo pakati paʋanhu;
27Ƌai ndisina‐kutya kutsamŋa kwaʋaʋeŋgi,
Kuti ʋaʋeŋgi ʋaʋo ʋasanzwisisa,
Ʋakati: Ruʋoko rweɗu ndirwo rwakakunda,
Haazi Jehova wakaita iɀoɀo ɀose.
28Nokuti iʋo rudzi rusinamano,
Hakuna‐kunzwisisa pakati paʋo.
29Ƌai ʋakaŋga ʋakacenjera, ʋaŋgaɗai ʋakaɀinzwisisa,
Ʋaŋgaɗai ʋakaʋona kuguma kwaʋo!
30Munhu mumŋe uŋgadziŋga seiko ʋanhu ʋanecuru cezana,
Naʋanhu ʋaʋiri ʋaŋgatizisa seiko ʋanhu ʋaneɀuru ɀinegumi,
Kana ɗombo raʋo risina‐kuʋateŋgesa,
NaJehova asina‐kuʋaisa mumaʋoko aʋo?
31Nokuti ɗombo raʋo harina‐kufanana neɗombo reɗu,
Kunyaŋge ʋaʋeŋgi ʋeɗu ʋamene ʋacitoŋga.
32Nokuti muzambiriŋga waʋo wakabva pamuzambiriŋga weSodoma,
Napaminda yeGomora;
Mazambiriŋga aʋo mazambiriŋga enduru,
Masumbu awo anoʋaʋa;
33Waini yaʋo ʋuturu bgenyoka,
Noʋuturu bgunoʋuraya kwaɀo bgemhuŋgu.
34Ko iɀi haɀina‐kuʋuŋganidzwa kwandiri here?
Haɀina‐kufunhurwa pakati pefuma yaŋgu here?
35Kutsiʋa ndokwaŋgu, nokutsiʋidza,
Paŋguʋa yokutedzemuka kwetsoka dzaʋo;
Nokuti zuʋa renjodzi yaʋo riri pedyo,
Neɀinhu ɀicaʋawira ɀicakurumidza kuʋuya.
36Nokuti Jehova ucaruramisira ʋanhu ʋake,
Nokunzwira ʋaranda ʋake tsitsi,
Kana aciʋona kuti simba raʋo raenda,
Ʋuye kuti ʋapera ʋose,
37Ɀino iye ucati: Ʋamŋari ʋaʋo ʋaripiko,
Neɗombo raʋakaŋga ʋaciʋimba naro?
38Iʋo ʋaidya mafuta eɀiɓayiro ɀaʋo,
Ʋainwa waini yeɀipiriso ɀaʋo ɀinoɗururwa.
Ŋgaʋasimuke, ʋakuɓatsirei,
Ŋgaʋaʋe ʋutiziro bgenyu.
39Tarirai ɀino, muʋone kuti ndini iye,
Hakunomumŋe mŋari pamŋe cete neni;
Ini ndinoʋuraya, ini ndinoraramisa;
Ini ndakakuʋadza, ini ndinoporesa;
Hakuna‐uŋgarwirwa paruʋoko rwaŋgu.
40Nokuti ndinosimudzira ruʋoko rwaŋgu kuɗeŋga,
Ndiciti: Ɀirokwaɀo, noʋupenyu bgaŋgu bgusiŋgaperi,
41Kana ndarodza munondo waŋgu unobginya,
Noruʋoko rwaŋgu rukaɓata kutoŋga,
Ndicatsiʋa ʋaʋeŋgi ʋaŋgu,
Nokutsiʋidza ʋanondiʋeŋga.
42Ndicanyudza miseʋe yaŋgu muropa,
Munondo waŋgu ucadya nyama;
Neropa raʋakaʋurawa neraʋakatapxa,
Neremisoro yaʋatuŋgamiri ʋaʋaʋeŋgi.
43Farai, imi ndudzi, pamŋe cete naʋanhu ʋake,
Nokuti ucatsiʋa ropa raʋaranda ʋake,
Nokutsiʋidza ʋaʋeŋgi ʋake,
Nokudzikinura nyika yake naʋanhu ʋake.
44Ɀino Mosesi akaʋuya ndokutaura mashoko ose orwiyo urwu ʋanhu ʋaciɀinzwa, iye naHoshea, mŋanakomana waNuni. 45Mosesi akapedza kutaura mashoko awa ose kuʋaIsraeri ʋose; 46akati kwaʋari: Tererai nemŋoyo yenyu mashoko ose andinokupupurirai nhasi, kuti muraire ʋana ʋenyu, ʋagocenjera kuita mashoko ose omurairo uyu. 47Nokuti hacizi cinhu cisinamaturo kwamuri, asi ndibgo ʋupenyu bgenyu; necinhu ici mucawedzera mazuʋa enyu panyika, yamunoyambuka Joridani kwairi, kuti iʋe yenyu.
48Ɀino Jehova wakataura naMosesi nomusi iwoyo, akati: 49Kwira pagomo iri reAbarimi, kugomo reNebo, riri panyika yaMoabi, rakatarisana neJeriko, uʋone nyika yeKanani, yandinopa ʋana ʋaIsraeri, iʋe yaʋo; 50ufire pagomo raunokwira, ugosoŋganiswa naʋanhu ʋako; seɀakafa Aroni, mukuru wako, pagomo reHori, akasoŋganiswa naʋanhu ʋake; 51nokuti makaita nomutoʋo usina‐kutendeka kwandiri pakati paʋana ʋaIsraeri pamvura yeMeriba paKadeshi murenje reZini; nokuti hamuna‐kunditsaura pakati paʋana ʋaIsraeri. 52Nokuti ucaʋona hako nyika pamberi pako, asi hauŋgapindi’po panyika yandinopa ʋana ʋaIsraeri.
Zvasarudzwa nguva ino
Deuteronomio 32: SUB1949
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© British and Foreign Bible Society 1949, 2018