Luk Ḍiepakụmaye
Ḍiepakụmaye
Luk ḅe Iḅiọkwẹịn mị gịẹịn ḅara mị Jizọs Ḅe ḍiepakụmamẹ na Ori anị Tamụnọ Ḅe ḅereni Izrẹl mị ḅe Ḍụaḅọrọmaḅọ pịkị tomoni mamgba ḅe Ḍụaḅọrọmaḅọ Ḅe-ẹ. Luk ḅe gịẹịnmẹ na Jizọs Ḅe, Nyanaḅọ Ḅe Tẹmẹ Ḅe Ọ̀ chịnmẹ “Iḅi Ḅẹrẹ mị ḍuko igwein apụma pịrịḅịa ẹrẹchị,” pịkị mịn Iḅi ọkwẹịn mị tomonima ḅe kịrịkịrị ḅụpalịmaye mamgba Ò gboloma ọkụ mị anịa ḅie omi-ẹ. Ḅieḅẹlẹma ḅẹrẹ pịkị gbọkọlọma Luk mị ḅie omi-ẹ, anịtẹịn anga yechuku finji ḅẹrẹtịḅị ma ḅie ḅụ anị Jizọs Ḅe Oria ḅo mị ḍukopakụmaye na, pịkị kuluma ọrụ mị ḅụ, Jizọs Ḅe iwo soḅie mun sịkị mị ḅọrọ Kraịst ḍukonwẹngịapụma ḅereni mị ḅe sẹnị mị na wasama mị na ḅe ḅẹrẹ gịẹịnḅọ Fịrịnwẹngịapụ ḍiri ḅie anị pịkị ḅe gbọrịḅọ ḅe-ẹ.
Maịn karama ọrụ na sonio karama ọrụ na ḅụ (chuku ḅụ ḅẹrẹtịḅị ma ḍiki), sime tọn aye mị Iḅiọkwẹịn mị kẹngẹ ḅie anị àrị simeye-ẹ, anị enjẹlapụma nime mị ḅe ḅẹrẹ mị na pịkị ananaḍikiḍikiapụma Jizọs Ḅe yi mị ḅụ mun nyọ mị laye mị na, Jizọs Ḅe kalatọkụ ḅara ḅụ Oputẹkẹwarị mị ḅie simeye mị na, pịkị Iḅi Sameriaḅọ ḅe na Fa Tọkụ ḅe na kaḅo ma na. Bebe Iḅiọkwẹịn mị ḅie mgba tẹkẹ gbolomaye na Fịafịa Tẹmẹ Ḅe na, Jizọs Ḅe fịrị mị ḅụ eremeni ma mịẹaye ma na, pịkị Tamụnọ Ḅe oria siḅụ-ḅarasin mị na anị kụrọ ma nwọ ḍukomẹ.
Ḅẹrẹtịḅị Ma Ọrụrụ Ḅụ Sime Ọkụ Mị
Ḍiepakụma ḅẹrẹ 1.1-4
Jọn Mengisaraḅọ ḅe na Jizọs Ḅe na ḅe yi mị na pịkị ini ḅe awọmẹnị sịkị mị na 1.5—2.52
Jọn Mengisaraḅọ ḅe fịrị mị 3.1-20
Jizọs Ḅe mengisara mị na telima mị na 3.21—4.13
Jizọs Ḅe Galili ḅie ḅelema nwẹngị fịrị mị 4.14—9.50
Galili ḅụ sakịmun Jerusalẹm la mị 9.51—19.27
Kuluma wiki mị Jerusalẹm ḅie na pịkị anị na kpeki nyọ ḅụ na 19.28—23.56
Nyanaḅọ Ḅe fịḅụsịsẹ mị na, ḅụḍiepakụma mị na pịkị iwo so mun mị na 24.1-53
Выбрано:
Luk Ḍiepakụmaye: OBTP
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
The Bible Society of Nigeria