MARAKO 10

1KANDI akaimuka yarugayo, yaija omu mitano ya Buyudaya nenseri ya Yorudani: ekitebe kingi kyagaruka okugoma namberali; yagaruka okubegesa nkengesoye okwekabari. 2Kandi Abafalisayo bakaija namberali, bamukaguza ngu Kyebiragiro omuntu okubinga mukaziwe? nibamulenga. 3Nauwe yagarukamu nabagambira ati Musa akabaragira ata? 4Bagamba ngu Musa akaikirirza okuhandika ebaruha eyokwahukana okumubinga. 5Baitu Yesu yabagambira ati Obwokugumangana okwemitima yanyu, nikyo yabahandikirire ekiragiro eki. 6Baitu kara na kara ensi ekaba kuhangwa, yabahangaga omusaija nomukazi. 7Omusaija nikyo aralekeraga ise na nyina, ateranege ahamu nomukaziwe; 8nabo bombi barafokaga omubiri gumu: kandi tibakyali babiri rundi omubiri gumu. 9nukwo ruhanga ekiyateranize hamu, omuntu atali baganizamu. 10Kandi omu nju abegeswa bagaruka okumukaguza ekigambo eki. 11Yabagambira ati Omuntu wena wena alibinga mukaziwe, naswera ondi, buli asihaine okumusisa; nauwe wenka obwalyanga iba, 12naswerwa ondi, buli asihaine.

13Kandi bakaleta namberali abana abato, abakoleho: abegeswabe hababana ababalesere. 14Baitu Yesu obuyaboine, yabihirwa, yabagambira ati Muikirize abana abato, baije namberendi; mutabatanga: baitu abarukusisana nkabanu, obukama bwa Ruhanga bwabu. 15Mananukwo nimbagambira nti Wena ataliikiriza obukama bwa Ruhanga nkomwana omuto, atalibutahamu na kake. 16Yabakikira, nabaha omugisa, abataireho emikono.

17Obwakaba nagenda omu muhanda, hakaija omu namberali nairuka, yamutereza amaju, yamukaguza ati Omwegesa omurungi, ndakora ki okugwetwa obwomezi obutahwaho? 18Yesu Yamugambira ati Nonyetera ki omurungi? Busaho murungi rundi omu, nuwe Ruhanga. 19Omanyire ebiragiro. Otaliita, otalisihana, Otaliiba, otalihangi’ra, ataligobeza, obatinege ‘so na nyoko. 20Yamugambira ati Omwegese, ebi byona nkabikwata okuruga omu buto bwange. 21Kandi Yesu obuyamurozire yamugonza, yamugambira ati Obuzirerweho kimu; genda, ogule byona ebyonyinabyo, ogabire abasege, kandi iwe olitunga itungao omu iguru: 22kandi oije, onkuratire. Baitu yagwerwa habwekigambo eki, yagenda atuntuire; baitu akabanyina itungo lingi.

23Kandi Yesu yabungyamu amaiso, yagambira abegeswabe ati Nikiremera abanyakuina itungo okutaha omu bukama bwa Ruhanga! 24Abegeswabe bahuni’ra ebigambobye. Baitu Yesu yagarukamu, nabagambira ati Abana, nikiremera abanyakwesiga itungo okutaha omu bukama bwa Ruhanga! 25Nikirahuka engamira okuraba omu kanyindo kenkinzo, okukira omuguda okutaha omu bukama bwa Ruhanga. 26Bahuni’ra muno, nibamugambira ngu Kandi noha asobora okujunwa? 27Kandi Yesu yabarora nabagambira ati Hali abantu tikisoboka, baitu tikirikyo hali Ruhanga: baitu byona bisoboka hali Ruhanga.

28Kandi Petero yabanza okumugambira ati Dora, itwe tukasiga byona, twakuratira iwe. 29Yesu yagamba ati Mananukwo nimbagambira nti Busaho muntu asigire enju, rundi bene babu, rundi banyanya, rundi nyina. Rundi ise, rundi abana, rundi obutaka, habwange na habwenjiri, 30baitu alihebwa emirundi kikumi omu biro binu ebya hati, enju, ha bene babu, na banyanya, nabanyina, nabana, nobutaka, hamu nokuhigwa; kandi omu businge oburukugenda kuija, 31obwomezi obutahwaho. Baitu baingi abokubanza abaliba abenyuma; nabenyuma abaliba abokubanza.

32Bakaba bali omu muhanda, nibatemba Yerusalemu; kandi Yesu akaba abebembire: bo bahuni’ra; nabakaba nibakuratira batina. Kandi yagaruka okutwara ikumi nibakuratira batina. Kandi yagaruka okutwara ikumi nababiri, yabanza okubatebeza ebigambo ebirimubaho ati Dora, ntutemba Yerusalemu; 33Omwana womuntu alihebwayo hali banyakatagara abakuru nabahandiki; balimucwera omusango okumuisa, balimuhayo hali Abamahanga: 34balimute’ra enaku, balimucwera amacwanta, balimutera, balimuita; kandi ebiro bisatu obubirikahinguraho, alihumbuka.

35Kandi hakamui’ra haihi Yakobo na Yohana, abana ba Zebedayo, bamugambira ngu Omwegese, ntwenda otuko’re ekiturakusaba kyona. 36Yabagambira ati Nimwenda mbako’re ki? 37Bamugambira ngu Otuhe tuika’re, omu ha Mukono gwawe ogwobulyo, nondi ha Mukono gwawe ogwobumoso, omu kitinisa kyawe. 38Baitu Yesu yabagambira ati Timurukumanya ekimusabire. Nimusobora okunywa ha mpwahwa eyinywaho nyowe? Rundi okubatizibwa nokubatizibwa okumbatizibwamu nyowe? 39Bamugambira ngu Ntusobora. Yesu yabagambira ati Empwahwa nyowe eyindinywaho niyo muliginywaho; nokubatizibwa okumbatizibwamu nukwo mulibatizibwamu: 40baitu okuika’ra ha mukono gwange ogwobulyo, rundi ha mukono ogwemoso, tali nyowe nkugaba: baitu kwabu abakutekanirizibwa. 41Kandi ikumi obubahulire, babanza kubihi’rwa Yakobo na Yohana. 42Kandi Yesu yabeta namberali, yabagambira ati Mumanyire abo abatekerezebwa okulema abamahanga babalemesa amani; nabakama babu babatunga. 43Baitu omulinywe tikirikyo: baitu wena anyakwenda okuba omukuru halinywe, nuwe aliba mu 44hereza wanyu; nogu anyakwenda okuba wokubanza, nuwe aliba muiru rubale wa bona. 45Baitu mananukwo Omwana womuntu ataije okuherezebwa, rundi okuhereza, nokuhayo obwomezibwe okucungura baingi.

46Kandi bakahika Yeriko: obuyarugire omu Yeriko, nabegeswabe nekitebe kingi, omwana wa Timayo, Batimayo, omulegi omufu wa maiso, akaba aikalire ha muhanda rubaju. 47Kandi obuyahulire nuwe Yesu owa Nazalesi, yabanza okwami’ra nokugamba ati Yesu, Omwana 48Wa Daudi, onganyire. Kandi baingi bamuhana, aculere: Baitu yagarukira okwami’ra muno ati iwe omwana wa daudi onganyire. 49Kandi Yesu yame’raho, nagamba ati mumwete. Bayeta omufu wamaiso, nibamugambira ngu Guma omutima: imuka, nakweta. 50Nuawe, yanaga orugoyerwe, yamatuka, yaija hali Yesu. 51Yesu yamugarukamu nagamba ati Noyenda nkukole ki? Omufu wamaiso yamugambira ati Raboni, ningonza mpweze. 52Yesu yamugambira ati Genda; okuikiriza kwawe nukwo kukukirize. Ahonaho yahweza, yamukuratira omu muhanda.

Выбрано:

MARAKO 10: BRR64

Выделить

Копировать