St. Mark 4
4
CHAP. IV.
1Nèoni raouhha tahadaghsawea à‐re ne waghshakorihhonnyeh ne Kanyadaràkda: neoni et‐ho na‐ah waontkeanissa ra‐ouhhàge Keantyoughkowànea, ne nonkea wahhòeni Kahhòewakouh wahhaditta, neoni wahhattyea Kanyadaràkda: neoni ne Keantyoghgwagwègouh et‐hone Kanyadaràkda Eghdiyòge.
2Neoni raouhha waghsakoderihhonnyea ronouhha èso Yorìwake ne Wat‐hadeanageraghdaghgwannyouh (Parables) neoni tsinahheàrouh ne ronouhhàge ne Tsihorihhòdea.
3Tsyadahoughsadat: Sat‐kaght‐ho, wa‐eghde Niyént‐hoghs wa‐eyènt‐hoghse.
4Neoni tsinearoyent‐hohhatye, oddyàke Ohhahàkda wakayèndane, neoni ne Tsideaongòewah wagonéwe onsakòndighgwe.
5Neoni oddyàke eghyakayènd‐ne tsiá ty’oneayàge n’Oughwhentsyàge, tsinònwe yaghèso Teyaoughwhèntsyare; neoni yokondattye Wakeanìoh ne karihhòeni ne yaght‐ha deyosereà‐ouh n’Oughwhentsyàge.
6Ok tsi‐ònea Onderaghgwagàrade, et‐ho sondakeàhhéye; neoni ne karihhòni ne yaghde‐Yoghdèronde sakeahhéye.
7Neoni oddyàke Oghnioewaràgouh yakayèndane neoni ne Oghnioeware hondeghyàrouh neoni waodoeròkdaghkwe yaghde yoneahondàouh.
8Neoni t’hikàde ne eghkayèndane tsi-Tyoughwhentsìyouh, neoni ondòeny wakeanahhòndea nene Wakeanìo, neoni ont‐kàdáde, neoni yakahhewe oddyàke aghsea niwaghs‐hea, neoni oddyàke yayàkniwaghs‐hea, neoni oddyàke Teweannyàwe.
9Neoni raouhha waghs‐hakaweahhaghse ronouhha, Nenennè ne Teháhhoughde raghrònk‐ha, ràronk nissa.
10Neoni ne onea raouhà‐ah, ronouhha ne raouhhà radigwègouh, ne tekeniyaweàre, wahhoewarighwanondoughse ne Teyorighwageawaghdannyouh (Parable.)
11Neoni waghs‐akáweahhaghse ronouhha, isège yetsiyàwy n’ìse n’easewaderyendarake Tsiniyoderighwaseghton Royànertsera Niyoh: Ok ne ronouhha ne t’hihadìdea, agwègouh nenè keakàyea Tsiniyorìwake ne ok ne Terighwageawadòntea watyèrade.
12Nene yèkea agaouhha ayontkaght‐ho, neoni yaght‐ha deyekarayèndane, neoni youghrònkha ne ayakot‐hondeke, neoni yaght‐ha yòenronke: asekea àkare ka ok nòewe ne n’Onsayondonhakanòny, neoni n’Akorighwanneràksera onsayondaderunkwaghse.
13Neoni raouha waghs‐hakaweahhaghse yaghkea desewaderièndare negea‐eah Tekarighwageawàghdouh? neoni ogh kadi neayàweakeahha n’agwègouh easewaderiendaràne ne Tekarighwageawaghdannyouh? (Parables)
14Ne Rayenthoghs wahhayènt‐ho ne Oweàna.
15Neoni ne keagàyea nen’eahhohahakda‐nònwe, n’Oweàna nikayent‐houh, ok hònea tsiyakaghrònkea ne Satan dàre yokondat’yea, neoni donsàkaghkwe yoesakàhháwe n’Oweàna, nene kayent‐hòuh n’Akaweriaghsagouh.
16Neoni ne keagàyea ne‐enè, egh‐onenìyoght nene Oneayàge n’Oghwentsyàge kayent‐houh, akaouhha ne oneà yakot‐hònde ne Oweàna yokondattye wa‐eyèna waontsheanòeny.
17Neoni yagh‐deyoghdèronde ne akaonhhatsràgouh, neoni ne kàdi wahòeni keanontkatsdade: oghnakeanke, ne ònea Wa‐eroughyàgea neteas ne Waondaderighwaghròdsdea onderighwakètskok I kea ne n’Oweàna eayakoghsdonde, et‐ho yokondattyea ok t’hoesayakogeaghràdea.
18Neoni ne keagàyea ne akaouhha neanè egh nè Oghnionwaràgouh kayent‐hòne: tsiyakot‐hònde ne Oweàna.
19Neoni Tsiniyakotsden’yàrouh nekea Yoghwentsyàde, ne oni ne Tsinikotshànighne Atshokowaghtsera, ne oni ne Tsinìyonikoughrod kwaght oyàs‐hou niyadeyoriwakeh ondaweyade, ondoeriòkdea ne Oweàna ne wahòeni yagh deyonenhonda‐ouh.
20Neoni keagàyea ne aga‐ouha nennè egh Tsiyoghwentsiyoh kayent‐houhòene tsiyakot‐hònde ne Oweàna, neoni wa‐eyèna, neoni yakáhhewe, wakaneahhòndea, oddyake aghseaniwaghs‐hea n’agàkoh, oddyake yàyakniwaghs‐hea, oddyake easkagh Teweaniyawe.
21Neoni waghsakaweahhaghse ronouhha, Ohhokàda kea ayehhewe et‐ho yayèyea Kanaghkògouh, kea teas gàyea ne Kanaktògon yèyea? Neoni yagh egh t’hayeghniyòdea Yehokadodaghkwàg?
22Ikea yaghogh‐t’haorihhòdea ne aoughseghdòehak ne yagh èneh t’hiyaondoghsere: yagh oni nonweandoh oght‐haorihhòdea ayodaghseghdàouh, ok deaghnòch yeyorihhowanhàouh.
23Tokàh oughka ne Rongwe, Tehhahhoughdonde raghrònkha, ràronk nissa.
24Neoni wahhakàweahhaghse Tsyadeanikòerareah tsinahhòdea t’syat‐hònde: Ot‐hok Nìwadeniyenideaghtserodeàhak eayesadeniyènt‐haghse, t’karìwakónde catyondenyèndea n’ìse: neoni ìse ne sat‐hòende t’kariwakónde èso‐seahha eayèson.
25Ikea raouhha ne ròyea t’karìwakónde eahòeyouh; neoni ne raouhha ne yaghdegh‐hòyea, raouhhàge n’onkadeátsyeghkwe ne tsinahòdea royèndaghgwe.
26Neoni waheàrouh, Eghsèkeanìyought ne Royànertsera ne Nìyoh, tsynìyought tòkah n’onkeah ne Ròngwe yahòdyh ne Kànea et‐ho Oghwentsyàge Kaheghdàge.
27Neoni ahòdawe, neoni ahatgetskoh aghsondàge neoni keaweandè, neoni ne Kànea et‐ho Akeanìo neoni aondeghyàrou, yagh dehhoderyèndare tsiniyetyèrea.
28Ikea ne Oghwentsya aohha wa‐aweghyàrou tsyondoèny Yakaneahhóndea, tontyèreaghde Wakeanaghsòndea, eadeghnòe yakaghradayerìne, oghnakeànke Yaneghsdayèrine n’Oghraghdàge.
29Ok ne ònea ne tsiwakeaneahhòndea yakahhewe, yokondattye Yakeanekeriyàkt‐hake wahhàyea, ne wakarihhòeny n’eayahahhoewe Tsiniyakeanekerìyaks.
30Neoni wahhearouh, ka oughde noewe n’adonsagyàdderea ne Raoyanertsera Niyoh? neteas oghnahòdea donsagyatyèrea ne da‐edewarìwarea?
31Keagàyea deskyatyèrea, s’Kanea‐at Mustard Kanea, ne kahá onea eayeyènt‐ho, ne Oghwentsyàge, ne eghyeyoghst‐hòuh agwègouh tsinìgouh ne Kanea‐ogoh ne Oghwentsyàge gàyea.
32Ok ne ònea kayent‐hoh, ondeghyàrouh, neoni aouhha suhha wakowànha tsiniyought n’oddyàke agwègouh Ohhónde‐sòewa, neoni wakanhághtouh Yonhaghtowàneaghse, ne nonkea Tsideas‐hòewa et‐ho akonòewede Oneaghrògouh tsi‐Yoraghgwawèrrhouh.
33Neoni yotkàde ne eghnìyought Teyorighwageàwaghdouh (Parables) tsiwahhadàdyh raouha ne Oweàna ronouhhàge, asé tsinahadigwèny tsironathònde.
34Ok yaghdea nenné T’hadehorighwageawàghdouh tsiwahadàdi ne ronouhàge: neoni ne ònea ok ronòuhhà‐ah, raouha wat‐harighwàt‐héde agwègouh tsiyadekarìwage ne Raotyoughkwàge.
35Neoni ne Saheghnisera ne ónea Yokaraghskha, raouhha waghsakaweahhaghse ronouhha, kìnyoh dewaghdeandih tewadohhets ìsinonkàdighkoh Kanyadaràge.
36Neoni ne ònea saghsakonadègwaghde ne Tsinikeantyoughkwa, ronouhha raouhha wahòne, ok nè‐e n’egh ne tsirayàdyh. Kahhoeweyakowaghne ok sàne oni wahòne raouhha òya Kanikahhoewàsa.
37Neoni et‐ho noewe ontketskoh kowànea Owrouh watkaweraghkwe, neoni tsiwatyongwareeghsde waòyeaghde ne Kahoeweyàt, ne se wahòeni ònea wakaghnèkanaghne.
38Neoni raouhha oghnàgea‐nòewe t’hayàdih ne Kahhòewakouh, ròdàs rotkòesere, neoni wahoewàyeghde, neoni wahoeweahhah Seweanìyo yaghkea‐deghseghre wa‐agweahheye?
39Neoni wahatketskoh, neoni wahhàrisde tsiyaòde, neoni waghreahhaghse ne Kanyàdara skeanea, dàs‐dòdek. Neoni ne Yaòde wakawereant‐ho, Wahhondarayewènt‐hoh.
40Neoni ronouhha waghsakaweaghse, oghnea nè‐e esòtsy wesewaghderòne? oghna‐àwea ne yaght‐ha tediseweghdàghkouh.
41Neoni ronouhha kowànea wahhodighderòne, neoni wat‐hondadeahhaghse, ogh‐nòe niyotyèrea tsinihayadòdea nekea, egh nenè ok oni ne Owerouh ne on’né Kanyàdare wahhoweanàraghwe.
Выбрано:
St. Mark 4: MOH1774
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
First published by the Society for Promoting Christian Knowledge in 1774. This historical text maintained by the British and Foreign Bible Society.
