St. Mark 5
5
CHAP. V.
1Neoni ronouhha èrea n’akanyadaràdyh, yahhòenewe Enakeraghserakohhe Gadarenes.
2Neoni ne ònea wahadidaghkoh ne Kahhòewakoh, yokondatyea wat‐hoewaderaghde egh dàyea Tsiyeyattadarryouh n’Ongweh yodàks‐hea Kanigòera ratyeànib.
3Raouhha egh t’hihanakere Tsiyehàttadarryoh, neoni yaghoughka n’Ongwe t’hayegwèny, akhoewanereanke, yaghtea oni Tsinewat‐honwaristodarrhoh.
4Ne karihhòeni yodkàde ronwaghnereaghne ne Teyondaderistodarrhoghst‐ha, neoni ne Tekaristodarhòeh t’hadewadòdarighsyh tsiraghnereaghne, neoni ne Teyondaderistodarrhoghst‐ha t’hadewadeyàkhoe; yagh oni oughka n’Ongwe t’hayegwèny aaghsakoreànha.
5Neoni t’yodkouh, Aghsondàge neoni Eant’yeghke, et‐ho ìrése Tsiyonondennyouh, neoni Tsiyondattyadatta‐àghst‐ha, raweanodattyèse, neoni rodadnereahattyèse Oneàya ràt‐ha.
6Ok tsi ònea yahotkaght‐ho Jesus ìnouh‐niyòre, wat‐haraghdade neoni wahhonideaghtea raouhha.
7Neoni wat‐haghseant‐ho roweàndeght neoni wahheàrou, nahhòtea takwatsteristaghkwa, Jesus, ìse Yesayè‐ah nene Enegeaghtsy Nivoh? t’kàkondáne Raghseanagouh Niyoh ne toghsa takeroughyàkeant.
8(Ikea wahheàrouh raouhhàge, katsyàgean ne Rayàdakoh ne Ròngweh, ìse yodaks‐heah Kanigòera.)
9Neoni wahorighwanòndouhse, nahhotea yesàyats? neoni raouhha dahhadàdy, wahheàrouh, Legion yonkyats: ikea yongwat’kàdése.
10Neoni agwagh èso wahhorighwanègea raouhha nene yagh‐t’honsaghsakodegwaghdàne ronouhha ne Enakeraghseràgouh.
11Oewa et‐ho kea niyorè‐ah nà‐ah Yonondennyouh, Yodityoghkowànea koewadinoughnattyèse Kuskus yonadekhonihattyèse.
12Neoni agwègouh ne Oneghs‐houghrono‐òkouh wahhoewarighwanègea raouhha, wakonnìrouh, etho nonkà takwadègwaght Kuskusn’eh, nenè n’eayagwadaweyàdea onouhha.
13Neoni yokondattyea Jesus dahhawerohhatyea onouhha. Neoni ne Kanikoughraksease wakondiyàgeane neoni waonadawevàdea Kuskus, neoni Tsiniyodityoughkwa wàtkoeràghdade yakontsneaghde Teyoghròewis et‐ho Kaniadaràgouh (Tekonnyaweeghtseraghsea ne oughdeh) neoni et‐ho wakondoeryokdea Kanyadaràge.
14Neoni ronouhha ne radinòendeaghsgwe ne Kuskus wahhondègoh, neoni yonsahhontròry ne Kanàdágoh, neoni tsiyenakeronnyouh. Neoni et‐ho wàeaghde ne ayontkaght‐ho tsinahhòtea tsina‐àwea.
15Neoni et‐ho wàoewe wahhoewayatòreane ne Jesus neoni wahhoewatkaght‐ho raouhha ne Oneghs‐houghrònouh rodeweaniyoughsdeanìghne, nène Legion, et‐ho reanderouh, neoni shohhere neoni ronikoughrayèry neoni ronouhha wahhodighderòne.
16Neoni ronouhha ne wahhont‐kaght‐ho, wahhont‐ròry ne tsinahoyàdawea raouhha ne Oneghshoughrònouh rodeweaniyoghsdeanighne, neonì ne tsina‐awea ne Kuskus.
17Neoni ronouhha tahondaghsawea wakhoeweanideaghtea raouhha ne èrea oesàreghde ne ronouhha Raonadoughwentsyàge.
18Neoni ne ònea et‐ho wàrawe Kahòewakouh, raouhha ne Oneghs‐houghrònouh rodeweanìyoghsdeanighne, wahhonideaghtea nene a‐aghnèseke raouhha.
19Ok sàne, Jesus yaghdeh‐hawèrou et‐ho niyàwea, ok deaghnòe wahhaweahhaghse, sasaghdeàndyh egh sàseght tsit’yèdéron ne Shènoghkwe, sheghrorighne Tsinikarihhowànea ne Royàner tsinahhyàyere tsinahhyat’yèráse, neoni tsinahhyeàdeare;
20Neoni raouhha èrea sàreghde, neoni tahhadàghsáwea wahharihhòwanaghde et‐ho Decapolis, Tsinikarihhowàneaghse Jesus tsinahhotyèráse raouhha; neoni agwègouh n’Ongweh wahodineghràgo.
21Neoni ne ònea Jesus sahhadóhhetsde àre ne Kahhoeweyàge ne èrea nonkadìghkon, éso Ongwe waontkeanissa‐a raouhhàge, neoni ráouhha ok èt‐ho Kanyadaràge.
22Neoni satkaght‐ho, èt‐ho dàre shayàdad ne nè Radirighwakwadàckwaghs ne Synagogue, Jaìrus roewàyats, neoni ne onea wahot’kaght‐ho raouhha raghsìge wahhatyadòndyh.
23Neoni agwagh wahhorighwanègea raouhha, ràdouh, kaniyagà‐ah Kheyèa‐ah yeyat’yòny yaihhèyoughse, wakoeyeanideaghtea èt‐ho à‐aghseghde neoni a‐aghseanisnoughsarea aouhhàge, nene onsayotsyende, neoni eayonheke.
24Neoni Jesus sàhne raouhha, neoni èso Ongwe wahoewaghnonderattyeghde raouhha, neoni wathoewanétst‐haraghde.
25Neoni kayadatògea Tyodhoewìsea òya Karaghkwa tekeni Syoghseràre et‐ho shiyoyàdaweaghse,
26Neoni èso yorìwake tsiniyoroughyàgea oni èso Yorìwake n’Atshinaghkeànta nahhòtea, neoni agwègouh yodeanhàghdouh tsiniyoyèndaghkwe, neoni yaghot‐hénoe teyokwennyoh ok hègea annyough suhha dakarighwakeannyade.
27Ne ònea shòerónke ne Jesus, et‐ho òewe tsideyeghsìhháre oghnàgea nonkàdih, neoni yagayéna ne Ra‐onènah.
28Ikea wageàrouh, tògà ne ok ne yakyèna ne Raonènah, èt‐ho easkyeweàndáne.
29Neoni agwagh oksaok tsinityawènouh n’Aonegweaghsa oughstatt‐hea: neoni yahhontstògea ne Kayerònke nene tsisakoewatsyende tsiniyoyadaweaghskwe.
30Neoni Jesus yokondatyea roderiyèndare raonha‐tseràgouh oughdeàndih Kàshatsteàghsera, wàt‐hadaghradenìhhoh Keantyoghkwagouh, wahheàrouh, oughka wakayèna n’Akènah?
31Neoni ne Ra‐otyoughkwa wahhoeweahhaghse, deghskànere Keantyoghkowànea teyesanetst‐haraghdohhattyea, nene sàdon, oughka yahhonkyèna?
32Neoni raouhha wat‐hat‐kaght‐honnyoewe t’hadaghgwadasède ne ahat‐kaght‐ho aouhha nenekea ètho nakàyere.
33Ok ne Tyot‐hoewìsea watyodouhhareàrouh neoni waoyadisshoughkwe, yoderiyèndaretsina‐awea n’aohhàge, òewe èt‐ho, neoni eghdàge ontyadòendyh raoheàndouh, neoni wahhoghròry agwègouh t’karighwayèry ne Tòkeaghske‐òewe.
34Neoni waghreahhaghse, Koeyèa‐ah, Tsidiseghtaghkouh ne sesatsyende: wà‐as skeànea t’hitsisanikoughròendak, neoni sasàdouh tsiniasyàdaweaghskwe.
35Aghsouh roght‐hare ’nea wàoeweh tayeyeàghtaghkwe tsit‐honoughsode ne Rarighwagwadackwaghs ne Synagogue nè e wa‐aìrouh, Sheyeà‐ah ’nea yaweahhèyouh: oghneanè suhha ok deaghsenikourhàrea ne Raweanìyoh sègouh isi nòewe?
36Agwagh ne ok Jesus wahhàronke ne Oweàna n’egh waondàdy, wahhaweahhaghse n’èt‐ho ne Rarighwakwadackwaghs ne Synagogue, toghsa aesaghderòne, ne ok ne kaseghtaghkòehak.
37Neoni waghshakonhèse yaghughka n’Ongwe ne ahoewaghnonderatyeghde, ne ok ne Peter, neoni James, neoni John, ne Yadadegeà‐ah ne James.
38Neoni wàrawe Tsironoùghsode ne Rarighwakwaddackwaghs ne Synagogue, ne òni wahatkaght‐ho yoritstare, yontstàrouh agwàgh yondadenàse.
39Ne ònea Rodaweyàdouh, waghshakaweahhàse, oghneà nè‐eh ne kea tsinisewatyèrea oni sewatstárrha? ne ok nekea ne yòdás ne Kayàdáse.
40Neoni wahoewaghsdèrisde wa‐akokeaghràdea. Ok ne ònea agwègouh saghsakoyadinnegeáwe, ne yaghs‐hakoyadeáhhawe ne Roniha neòni ne Onisteáhha ne Kaksà‐ah, neoni ronouhha ne tsinihadì ne raouhha rònene, neoni yahhondaweyàde tsinòewe t’yeyattyòeny ne Iksàkeahha.
41Neoni raouhha tahhanunts‐ha ne Kaksà‐ah, neoni wághreaghse, (Talitha‐cumi,) nene kìdouh, Seksà‐ah, (wakòeyeaghse) satketskouh.
42Neoni agwagh oksaok ne Kaksá‐ah ontketskoh neoni oughdeàndyh; Ikea tekeni‐yoghseràre tsinityòyeah; neoni wa‐akorighwaneghràgo ne kowànea Yorighwaneghrackwaght.
43Neoni waghsakorihhòendeane agwègouh, yaghoughka n’Ongwe t’hayakoderiyèndaráne: neoni waghsakaweaghse kassenouh eaghska énouh ne a‐àonke.
Выбрано:
St. Mark 5: MOH1774
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
First published by the Society for Promoting Christian Knowledge in 1774. This historical text maintained by the British and Foreign Bible Society.
