Матта 8
8
Иса лепрагъа огърагъан адамны тедавийлей
1 #
Мк 1.40-45; Лк 5.12-16 Иса дагъдан тюшкен сонъ, Онынъ артындан чокъ адам кетти. 2#Лев 13.3; Сай 12.10; 4 Пад 5.1; 2 Тар 26.20; Мк 9.22Шу арада лепра хасталыгъынен чекишкен бир адам Онъа якъынлашып, тиз чёкти де:
– Эфендим, эгер истесенъ, мени эляллап тедавийлерсинъ, – деди. 3Иса къолуны узатты ве онъа тийдирип:
– Мен истейим, элял ол, – деди. Шу дакъкъасы лепра хасталыгъы ёкъ олып, адам элял олды. 4#Лев 14.1-32; Мт 9.30; 17.9; Мк 1.34; Лк 17.14Иса онъа:
– Сакъын, буны кимсеге айтма! Лякин барып, озюнъни руханийге косьтер ве Муса буюргъан бахшышны кетирип бер; о, эписине шаатлыкъ олсун, – деди.
Иса римли юзбашынынъ хызметчисини тедавийлей
5 #
Лк 7.1-10; Юх 4.43-54 Иса Къафарнаум шеэрине кельгенде, Рим ордусынынъ бир юзбашы Онынъ алдына кельди ве ялварып:
6– Эфендим, меним хызметчим эвде пек къыйналып ята, оны паралич урды, – деди. 7Иса онъа:
– Мен барып, оны тедавийлерим, – деди. 8#Збр 106.20Юзбашы джевап берип:
– Эфендим! Меним эвиме келип киргенинъе ляйыкъ дегилим. Сен бир сёзнен буюрсанъ биле, хызметчим тедавийленир. 9Мен де бойсунам, манъа да бойсунгъан аскерлер бар. Бирисине: «Кет», – десем, кете. Башкъасына: «Кель мында», – десем, келе. Хызметчиме: «Шуны яп», – десем, япа, – деди.
10 #
Фаал 10.2
Иса буны эшитип, шашты ве артындан юргенлерге:
– Сизге догърусыны айтам: Мен о къадар буюк иманны Исраильде ич бир кимседе тапмадым. 11#Лк 13.29; 16.23; Эф 3.6Сизге шуны айтам: шаркътан ве гъарптан чокъ адам келип, Кок Падишалыгъында Ибраим, Исхакъ ве Якъупнен берабер софра башында ер аладжакълар. 12#Мт 13.42; 22.13; 22.30; 24.51; 25.13; Лк 13.28Падишалыкъ исраиллилер ичюн азырлангъан эди, амма олар тышкъа, къаранлыкъкъа къувуладжакълар. Анда агълап, тишлерини гъыджырдатаджакълар, – деди.
13 #
Мт 9.29; Юх 4.53 Сонъ Иса юзбашыгъа:
– Эвинъе бар, сенинъ иманынъа коре олсун, – деди. Юзбашынынъ хызметчиси исе шу ань тюзельди.
Иса Пётрнынъ къайнанасыны тедавийлей
14 #
Мк 1.29-34; Лк 4.38-41 #1 Кор 9.5Иса Пётрнынъ эвине кельгенде, онынъ къайнанасы юксек сыджакънен яткъаныны корьди. 15#Мк 5.41; 9.27; Фаал 3.7; 9.41Иса онынъ къолуна тийгенинен, къадыннынъ сыджагъы тюшти. О турып, Исагъа софраны донатты.
16Акъшам устю Исанынъ алдына джин ургъан бир талай адамларны кетирдилер. Иса Озь сёзюнен арам рухларны къувып чыкъарды ве эписи хасталарны тедавийледи. 17#Еш 53.4Бойледже, Ешая пейгъамбер ярдымынен айтылгъан сёзлери беджерильди:
«О хасталыкъларымызны Озюне алды, дертлеримизни Озь омузларына къойды».
Исанынъ артындан барув акъкъында
18 #
Лк 9.57-62
#Мк 4.35; Лк 8.22Иса этрафында чокъ адам топлангъаныны корип, шегиртлерине гольнинъ къаршы ялысына кечмесини буюрды. 19Шу вакъытта бир Къанун оджасы якъынлашып:
– Оджа! Къайда барсанъ да, мен Сенинъ артынъдан юрмеге азырым, – деди. 20Иса онъа:
– Тилькилернинъ къобалары бар, коктеки къушларнынъ ювалары бар. Лякин Инсан Огълунынъ башыны ястыкъкъа къойып ятмагъа ери ёкъ, – деди.
21Сонъ шегиртлеринден бири Исагъа:
– Эфендим, башта барып бабамны дефн этмеге разылыкъ бер, – деди. 22Лякин Иса онъа:
– Сен Меним артымдан юр. Олюлер озь олюлерини дефн этсинлер, – деди.
Иса фуртунаны ятыштыра
23 #
Мк 4.35-41; Лк 8.22-25 Иса къайыкъкъа мингенде, Онынъ пешинден шегиртлери де чыкътылар. 24Апансыздан гольде кучьлю фуртуна къопты, къайыкъны юксек далгъалар толдура башладылар. Иса исе юкъугъа далгъан эди. 25Шегиртлери Онынъ янына барып, уяттылар ве:
– Раббим! Бизни къуртар, богъулып оледжекмиз! – деп къычырдылар. 26#Збр 64.8; 88.10; 103.7; Мт 6.30Иса исе:
– Не ичюн сиз бойле къоркъакъсынъыз, аз иманлылар? – деди оларгъа. Сонъ еринден турып, фуртуна ве гольни тынчландырды. Шу вакъыт эр шей бутюнлей тынды.
27Адамлар шашып къалдылар ве бир-бирлерине:
– Кимдир бу я? Ель де, голь де Онъа бойсуналар! – дедилер.
Иса джин ургъан эки адамны тедавийлей
28 #
Мк 5.1-20; Лк 8.26-39 Иса гольнинъ башкъа ялысына, гъадаралыларнынъ юртуна етип кельгенде, къабирлернинъ арасындан Онынъ къаршысына джин ургъан эки адам чыкъты. Олар пек ачувлы олгъанлары ичюн, о ердеки ёлдан кимсе кечип оламагъан.
29 #
Мк 1.23-24; Лк 4.34 – Эй, Алланынъ Огълу, бизде не ишинъ бар? Бу ерге бизни, вакъты кельмезден эвель, чекиштирмеге кельдинъми? – деп къычырды олар.
30Узакъта буюк бир домуз сюрюси отлап юре эди. 31Джинлер Исагъа ялвардылар:
– Эгер бизлерни къувып чыкъараджакъ олсанъ, анавы домуз сюрюсине ёлла, – дедилер. 32Иса оларгъа:
– Барынъыз! – дегенде, джинлер адамлардан чыкъып, домузларгъа кирдилер. Шу ань бутюн домуз сюрюси тик къаядан гольге атылды ве сувда богъулып ольди. 33Домузларны бакъкъанлар исе къачып кеттилер. Шеэрге барып, олып кечкен адисени ве джин ургъанларгъа не олгъаныны эписине айтып бердилер. 34#Лк 5.8; Фаал 16.39Онынъ ичюн Исанынъ къаршысына бутюн шеэр сакинлери чыкъты. Исаны корьгенлеринен, юртларындан чыкъып кетсин деп, риджа эттилер.
Выбрано:
Матта 8: CTB
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© Институт перевода Библии, 2016