Matayo 9
9
Yesu okukiza ozingazingirwe
1 #
Luk 5:17-26; Mak 2:1-12. Yaagaruka omu bwato, yaayambuka, yaataaha omuri tauni y'owaabo. 2Baamureetera omuntu ozingazingirwe, abyami omu ngozi. Yesu ku yaareebire okwikiriza kwabo, yaagambira ozingazingirwe ati: Mwana wangye, huumura; ebibi byawe byakusaasirwa. 3Abamwe aha bahandiiki baayetomboita bonka, ngu: Omuntu ogu naarogota. 4#Yoh 2:25. Yesu ku yaamanyire ebiteekateeko byabo, yaababuuza ati: N'enki ekirikubateekateekyesa kubi omu mitima yaanyu? 5Ekirikurahuka nikiiha, okugira nti, Ebibi byawe byakusaasirwa, nari nti, Imuka, ogyende? 6Kwonka mumanye ngu Omwana w'omuntu aine obushoboorozi omu nsi okusaasira ebibi, yaagambira ozingazingirwe ati: Imuka, oyekorere engozi yaawe, otaahe. 7Yaimuka, yaataaha. 8Kandi abantu boona, ku baakireebire, baatiina, baahimbisa Ruhanga owaahaire abantu obushoboorozi oburikwingana butyo.
Okweta Matayo
9 #
Luk 5:27-32; Mak 2:13-17. Yesu ku yaabaire naarugayo, yaareeba omuntu orikwetwa Matayo ashutami omu ihoorezo, yaamugambira ati: Nkuratira. Yaimuka, yaamukuratira. 10Bwanyima ku yaabaire ashutami omu nju naarya, reeba abahooza n'abasiisi baingi baija, baashutama na Yesu n'abeegi be. 11Abafarisaayo, ku baakireebire, baabuuza abeegi be bati: Ahabw'enki omwegyesa waanyu naarya, kandi naanywa n'abahooza n'abasiisi? 12Yesu ku yaakihuriire, yaagira ati: Abahuriire tibeetenga mufumu, kureka abarwaire. 13#Hos 6:6; 1 Sam 15:22. Mbwenu mugyende mwegye amakuru g'ekigambo eki ngu, Eki ndikwenda n'embabazi, ti bitambo; ahabw'okuba tindaizire kweta bahikiriire, kureka abasiisi.
Eby'okwesiibyakwo
14 #
Mak 2:18-22; Luk 5:33-38. Kandi akaizirwa abeegi ba Yohaana, baamubuuza bati: Ahabw'enki itwe n'Abafarisaayo kaingi twesiibyakwo, haza abeegi baawe bo bateesiibyakwo? 15#Yoh 3:29. Yesu yaabagarukamu ati: Abakwe nibabaasa bata kuganya bakiine kishwera? Obunaku buryahika, obu kishwera aribaihwaho; obwo nibwo baryesiibyakwo. 16Tihariho muntu oteera ekiremu ky'omwenda musya aha mwenda omukuru; ahabw'okuba ekyo ekyabaziirwaho kikaataagura ekijwaro, n'ekifumuka kihanguha. 17Kandi tibashuka viinyo y'omutahe omu furebe z'empu ezikuzire; ku baakukora batyo, efurebe zikaabaruka, viinyo eyatika, n'efurebe zikaabaruka, viinyo eyatika, n'efurebe zisiisikara. Kureka viinyo y'omutahe eshukwa omu furebe ensya, byona bibona kurama.
Okuzoora muhara wa Yairo
18 #
Luk 8:41-56; Mak 5:22-43. Ku yaabaire naakibagambira ebigambo ebyo, haija omukungu, yaamukwata amaguru, yaamweshengyereza ati: Muhara wangye yaakaba; mbwenu oije, omuteho engaro, naija kuhimbuuka. 19Yesu yaimuka, yaamukuratira n'abeegi be.
20Kandi hakaba hariho omukazi, omazire emyaka ikumi n'ebiri arwaire ekyejwiso; yaija enyim aya Yesu, yaakora aha mukugiro gw'ekijwaro kye, 21#Mat 14:36. ahabw'okuba akahamya omu mutima gwe ati: N'obu naakukora aha kijwaro kye kwonka, nkaakira. 22Yesu yaahinduka, yaamureeba, yaamugira ati: Mwana wangye, huumura; okwikiriza kwae nikwo kwakutambira. Ahonaaho omukazi yaakira. 23Yesu ku yaahikire aha nju y'ogwo mukungu, yaareeba abarikuteera esheegu n'abandi baingi nibacura. 24#Yoh 11:11, 25. Yaabagira ati: Murugyeho! omwishiki tafiire, agwejegyeire. Baamushekyerera munonga. 25Abantu ku baaherize kushohozibwa, yaataaha omu nju, yaakwata ogwo mwihsiki omukono, yaimuka. 26Egyo nkuru yaabuga omu ishaza eryo ryona.
Yesu okuhumuura empumi n'okukiza abarwaire
27Kandi Yesu ku yaabaire naarugayo, empumi ibiri zaamukuratira nizimuyombererera ziti: Iwe Omwana wa Daudi, otugirire embabazi. 28Ku yaahikire omu nju, ezo mpumi zaamwirira haihi; Yesu yaazibuuza ati: Nimwikiriza ngu ekyo ninkibaasa? Zaamugarukamu ziti: Eego, Mukama waitu. 29Atyo yaazikora aha maisho, naagira ati: kibe nk'oku mwaikiriza. 30Amaisho gaabo gaahumuuka. Yesu yaabeehanangiriza munonga, naagira ati: Mwerinde, hatagira owaakimanya. 31Kwonka bo ku baarugire aho, baamurangaana omu ishaza eryo ryona.
32Ku baabaire nibarugayo, baamureetera ekiteta kiriho daimoni. 33Yesu ku yaaherize kubinga daimoni ogwo, ekiteta kyagamba; abantu baatangaara nibagira bati: Tihariho kirikushusha nk'eki ekirareebirwe omuri Israeli. 34#Mat 12:24. Kwonka Abafarisaayo baagira bati: Baadaimoni naababingisa amaani ga mukama waabo.
35Yesu yaagyendagyenda omuri tauni zoona n'omu birorero byona naayegyesa omuri sinagogi, zaabo, naagamba engiri y'obukama bw'omu iguru, kandi naakiza endwara zoona n'obumuga bwona. 36#Ezk 34:5. Ku yaareebire emitwe y'abantu, yaabagirira esaasi, ahakuba bakaba baburaburiirwe, bashobeirwe nk'entaama ezitaine muriisa. 37#Luk 10:2. Nikwo kugira abeegi be ati: Eby'okugyesha ni bingi munonga, kwonka abagyesi ni bakye; 38n'ahabw'ekyo mushabe Mukama w'eigyesha ayohereze abagyesi omu by'okugyesha bye.
Выбрано:
Matayo 9: RR64
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
The Bible in Runyankore-Rukiga © United Bible Societies, 1964