Известные библейские стихи из Mateus 24

Поделиться

Libisma o kon takru sote, tak' furu sma no sa lobi trawan moro. Ma Gado sa ferlusu a sma di sa hori doro te na a kba.

A Bun Nyunsu disi tak' Gado bigin tiri libisma, sa panya na heri grontapu fu ala folku kan kisi a okasi fu yere en. Dan fosi grontapu o kba.”

Un o yere tak' kondre e feti èn tak' feti de fu broko, ma un no mus skreki, bika den sani disi mus fu psa. Ma dati a no a kba ete.

Bika a wan folku o feti nanga a tra folku, èn a wan kondre o feti nanga a trawan. Na difrenti presi angriten o de èn a gron o seki hebi tu. Ma ala den sani disi na soso a bigin fu a tranga ten di o kon.

Wan dei heimel nanga grontapu no o de moro, ma den sani san Mi taki o tan fu têgo.”

Bika furu sma o du leki den na Mi. Den o taki tak' den na a Mesias, èn den o kori furu sma.

Den o grabu unu, dan den o gi un abra na sma di o pina unu, èn di o kiri unu. Fu Mi ede no wan sma fu no wan folku o man si un na ai. Ini a ten dati furu sma o lasi bribi ini Mi, a wan sma o tyari a trawan gi lanti èn den no o man si makandra na ai. Furu sma o du leki den na profeiti èn den o kori furu sma.

Yesus piki den taki: “Un mus luku bun tak' no wan sma no kori unu!

Dat' meki un mus de klari, bika a Manpikin fu Libisma o drai kon baka na wan yuru di un no e ferwakti En.”

Fu dat'ede un mus tan na ai, bika un no sabi sortu dei un Masra o kon.

“No wan sma sabi a dei nanga a yuru te a o psa. Den engel di de na heimel no sabi, èn a Manpikin srefi no sabi. Na a P'pa wawan sabi.

Bika sma o kon di o du leki den na a Mesias, trawan o du leki den na profeiti. Den o du wondru èn den o meki un si bigi marki. Nanga dati den o suku fu kori den sma di Gado ben teki gi Ensrefi.

Soleki fa a ben de ini a ten fu Noa, na so a sa de te a Manpikin fu Libisma o drai kon baka. Bika ini a ten fosi Gado sungu grontapu, den sma ben e nyan, den ben e dringi, èn trow ben e trow, te leki a dei di Noa go ini a bigi sipi. Den no ben sabi ete san e psa te leki a bigi frudu kon wasi den alamala gwe. Na so a o de te a Manpikin fu Libisma o drai kon baka.