Известные библейские стихи из 路加福音 3

Поделиться

民眾攏領受洗禮了後，耶穌嘛來領受洗禮。伊啲祈禱的時，天開， 聖神降落佇伊頂面，形狀親像粉鳥；閣對天有聲講： 你是我所疼的子， 你，我真意愛。

約翰 對大家講：「我用水給恁洗禮；毋拘有一位比我較有權能的啲欲來，我連給伊解鞋帶都𣍐堪得。伊欲用聖神及火給恁洗禮。

著用行為證明恁有悔改！恁毋通家己想講『 亞伯拉罕 是阮的祖先』，我給恁講，上帝會當用諸個石頭造子孫互 亞伯拉罕 。

斧頭已經靠佇樹頭；所有無結好果子的樹攏欲給剉起來，㧒落火。」

照先知 以賽亞 的冊記載： 有聲佇曠野啲喝： 著為主準備道路， 為著伊修直小路。 一切的山谷著填互淀； 所有大山小山著削互低； 彎曲的路著改互直； 嵁硈的路著修互平！ 萬民攏會看見上帝的拯救。