Известные библейские стихи из Jɔnə 6

Поделиться

Yeso a sóŋə á mbô pó ńgə́, “Maŋ lə́ apéenə məkálə́ nchîmbîə. Ŋwu ntsəm páʼ a yǐ nə́ a mbô maŋ, nji láʼ ńkě yí yǒ pɨ záŋ pô, ŋwu páʼ a néŋ nə́ ntɨ́ əyí nə́ maŋ nji nkǐ láʼ ńkě yí pɨ záŋ pô.

Lə́ Ajwǐəsê páʼ a fɛ̂ nə nchîmbîə, na mbɨ ə́ kě atûə anu yitsə́ chî pô. Ətsáb páʼ maŋ tsáb nə́ á mbô pɨ lə́ Ajwi ńkə́ ḿbə́ nchîmbîə.

Kɔ nə́ faʼ ńté pə́ məjî páʼ mə́ yǐ nə́ pə́gə, faʼ nə́ ńté pə́ məjî páʼ mə̈ chî nə́ tə mɛdnə̂ ńkə̈ ə́fɛ̂ nchîntəənə, mimə́ Mɔ́ Ŋwunə a yǐ nə́ ə́fɛ̂ á mbô pəənə́, ńté ńgə́ Əsê páʼ a pə́ nə́ Tǎ, a néŋə aleŋkə ajíə a mbɨ Yə́, á mə́ nɨd nə́ ńgə́ a pímə yə́

Ńté ńgə́ lɛ̌ anu páʼ Tǎ mə a lɔ nə́, ńgə́, ŋwu ntsəm páʼ a zɨ́ nə́ mɔ́ əyǐ ńkə́ ńnéŋ ntɨ́ əyí nə́ yə́ a yǒ túg nchîntɨ páʼ ə́ mɛdnə̂ nə́ ngǎ mɔʼə́, maŋ yǒ tíʼ júmkə ághóobə́ á mə́m nəwûə á ndwigtə alě.”

Yeso a kwěe ághɔ́b ńgə́, “Afaʼə Əsê lə́ ńgə́, gho néŋ ntɨ́ əgho nə ŋwu páʼ Əsê a tú nə́.”

Ŋwu ntsəm páʼ Tǎ mə a fɛ̂ nə́ yə́ á mbô maŋ a yǐ yǐəə á mbô maŋə, ŋwu ntsəm páʼ a yǐ nə́ á mbô maŋ, təmbɔʼ maŋ kě yí kəm pô.

Saamun Pita a kwěe yí ńgə́, “Mmaʼmbî, pəg yǐ tíʼ ə́ ghɛn lə́ á mbô əwə? Gho túg ətsáb nchîntɨ páʼ ḿmɛdnə̂ ngǎ mɔʼə́.

Maŋ lə́ apéenə məkálə́ nchîmbî páʼ a lǒo nə́ nəpó ńtsóolə. Təmbɔʼ ŋwu ntsəm páʼ a kɔ́d nə́ apá jɨ́d zɨ a yǒ ńchî ḿmɛdnə̂. Apá maŋ yǒ nə́ ə́fɛ̂ á mbô yí lə́ na mbəəmə mə, páʼ mäŋ fɛ̂ nə ńjî ńgə́ mbɔʼ ŋwu ntsəmə a chîə mbîə.”

Təmbɔʼ ŋwu tsə̌ a kě á mbô maŋ yǐ pô tə ńdéʼtə Tǎ páʼ a tú nə mə a yǐ nə́ yə́ á mbô maŋə, Maŋ yǒ ńtíʼ ńjúmkə yə́ á mə́m nəwûə á ndwigtə alě.

Ńté ńgə́ apéenə məkálə́ Əsê lə́ yi páʼ á lǒo nə́ nəpó ńtsó ńtíʼ ə́fɛ̂ nchîmbîə á ndu mbîə.”

Maŋ lə́ apéenə məkálə́ nchîmbîə.

Yeso a tíʼ ḿbyáanə apá yə wɨ́ ə́fɛ̂ ndǎ á mbô Əsê ńtíʼ ńgabtə̂ á zə́ələ́ á mbô pɨ páʼ pó nə ńnáanə á ndəsê, ńkə́ ńgɛd tsɔʼə ə́lɨ́d nə́ əshû zə̂ ŋwu ntsəmə a jî ndzaŋə a kɔŋ nə́. Əghâ ándó ŋwu ntsəmə a nə ńjî nə́ tə ńdzɛ́d lə́, a sóŋə á mbô ngaŋə́zoŋə́ndzəm əjí ńgə́, “Kyeetə̂ nə́ əpag páʼ ə́ pɛ́d nə́ ńjî ńgə́ kɔ apag yətsə̌ á péŋə.”

Əghâ ándó ngaŋə́zoŋə́ndzəm Yeso nə nyi nə́ á mə́m nkǐə ándó pə Máyilə pɛ́n teelə́ ńkoʼə̂ nəkwa lə́, ńdzə́ənə Yeso a tə́ ńnyinə̂ á ndu nkǐ ńgyǐəə á nəpɛnə́ nə́ aŋkənúʼə́, pó tíʼ ńchî nə́ apɔ́gə. Lə́ a pə́ ə́sóŋə á mbô pó ńgə́, “Lə́ maŋə, kɔ nə pɔ́gə.”