Известные библейские стихи из JUAN 6

Поделиться

Jesuuquidiito cönä’döaacä: —Öwö ñäädä weichojo uu. Ñäädä öwwadoodono we’ajä ämiije’da na’de; öwö yeecanö’nei emjätö’se’da na’dede.

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

Jesuuquidiito cönä’döaacä: —Edä yää Wanaadi tadaawaajui tödöödö, töwö dhanoonö ecamjödö; quee.

Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

Simón Peedhodo cönä’döaacä chäwwä: —Owaanomaanei, ¿änääcö wwadäädä ñaa tädö deaade’ ? Amäädä äwwä mmaane yeiyajä yeichöödoto weichojo a’deu.

Öwö ñäädä uu neene, caju ñano we’ajä. Ñäädä edä täu’nei yeichöje töweiye na’de. Öwö yeejö wu’a’de tameedä soto weicho’comooje; quee cönä’döaacä Jesuuquidiito chäwwäiñe.

Anejja e’jai’cha na öwwadäädä ñäädä Jaaja yaanontänei’jödö nenno’jadööje’da yeiya’jäcä; öwö wadonca’de yaawä anooto wataamedaawä.

Wanaadi nutuudu yää uu caju ñano we’ajä, tameedä soto weicho’comooje; quee cönä’döaacä Jesuuquidiito.

Öwö ñäädä weichojo uu.

Yaawä Jesuuquidiito uu cönannäjöi. Chääjäcä töwa’deuwödö’jo cuntui tönoowanoomadö wwäiñe; ñanno cöneecamoicho yaawä soto wataajima’como wwäiñe. Yääje mmaja cönnöi chea na’cwacancomo, imjummadööcomo wa’cä. Yaawä yensu’ta’comjäcä Jesuuquidiito cönä’döaacä tönoowanoomadö wwäiñe: —Yäädetö’jödö amu’täcä; emaacudo’no; quee.

Numa cönsequiima’to. Yaawä amoinche töwä’döa’comjäcä Jesuuquidiito cöneedantoicho tuna de’wä yeejödö; chäwwadäädäiñe cöne’acä. Tönwanno cönääcatoncaicho. Töwö Jesuuquidiito cönä’döaacä chäwwäiñe: —Öwö mma; tösaade’daane eichäcä; quee cönä’döaacä.