Известные библейские стихи из MATEUS 24

Поделиться

Koja'at ahkan nyoli kodorih hebatoh nyiring aro ulun eam duon hino mongasih. Tahpi ulun ijo tehen johcok laiuoh, ahkan tonyolamat.

Tutang Kabar Hinut, tohou koloukuwoh Pohotala moretah ahkan tonyiar nokuh hopus kolunon, mangat paring ulun ngonihoh. Uliorih rih ndai punai rih lombut ondoukiamat.”

Ihkam ahkan ngonih naing-naing hokolahi tutang borihta-borihta parang, tahpi ara mihkoh. Bain hal-hal orih harus nyolung, tahpi orih eam rimai ijo jari ohkotoh kiamat.

Uhtus ijo ihco ahkan parang ngolawan uhtus ijo bohkon, tutang nogara ijo ihco ahkan nyarang nogara ijo bohkon. Ang umo-umoh ahkan monjadi kosusah bolo'u tutang tana moroguh. Paringoh rih punai pahtukoh ih, kolou koporos ijo tongarot ihcobehti ulunbawi ijo ohkot kani nganak rih.

Langit tutang tana ahkan dilap, tahpi karoauh-Ku mohcon turus-jaham.”

Bain aro ulun ahkan lombut honong hapan aran aik-Ku tutang nuhtui, ‘Ahku Lahca Ponyolamat!’ Iro ahkan monihpu aro ulun.

Pongohuli ihkam ahkan tonawan, tutang tonyarah ahkan tonyiksa, tutang tomunu. Hopus kolunon ahkan bosingi ihkam, tului ihkam murid-Ku. Aang ohkot orih aro ulun ahkan murtad, tutang ngarana umba injahoh hawui hokosingi jolahan ihco umba ijo bohkon. Aro nabi-nabi pobula ahkan lombut, tutang ngobula aro ulun.

Yesus mutah, “Bua-buah, ara nyiring ihkam buah kobalik.

Bain orih, ihkam ka'a harus bosodia-sodia. Tului Anak Ulun ahkan lombut aang wayah ijo eam ihkam kota'aioh.”

Jadi borondongrih, tului ihkam eam kota'an mira Tuhan'kam ahkan lombut.

“Eam aro ijo kota'an mira ondouoh tutang jamoh, molehkat-molehkat ang soruga ka'a eam, Anak Pohotala ka eam, tihkas Amai iou ijo kota'an.

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

Amatmira Anak Ulun lombut noin, koada'anoh kolou aang jaman Noah lomoi. Aang ondou-ondou sounumba danum sopurak hajo rih, ulun-ulun kuman ngorih, tutang kawin. Kolou orih toturus nyiring ang ondou Noah nyolong koluwang bonamaoh. Ang ohkot danumsopurak orih polonyot iro paring, punan rih iro borondong, umba inon ijo rahat nyolung. Kodorihrih ka'a koada'aioh noin amat Anak Ulun lombut.