Известные библейские стихи из Methiu 21

Поделиться

Agar tum biswaas karega, to tum preya meñ jon kuchh maañgega, u sab tumme mili.”

Lekin Yeeshu ulog se bolis, “Ham tum se sachche bolta hei ki agar tum biswaas rakkho aur sandeh nai karo to tum i kare sakta hei jon ham anjeer ke peṛ ke sañghe kara hei. Aur isse jaada bhi kare sakta hei. Tum i pahaaṛ se bole sakta hei ki uṭho aur samundar meñ kuudo, aur wahi hoi.

Kuchh log uske aage aage jaat rahin aur kuchh log uske pichchhe. Sab chillaay ke bolat rahin, “Ḍeiviḍ ke Santaan! ‘Hosaana!’ Dhann hei u jon Prabhu ke naam se aay hei. Swarag meñ Hosaana!”

Yeeshu ulog se bolis, “Baaibal meñ likhaan hei, ‘Hamaar ghar preya ke ghar bola jaai,’ lekin tum log to iske chor ke aḍḍa banaay dia!”

“Yarushalam ke log se bolo, Tumhaar raaja tumhaar lage aay hei! U dayaalu hei, aur ek gadha pe beiṭha hei. Aur u gadha ke bachcha pe aay hei.”

Yeeshu ulog se bolis, “Tumme jaane ke chaahi ki Baaibal meñ kaa bataay hei, ‘Jon patthar ke kaapenṭa log bagal meñ feñk deen raha, wahi kona ke sab se sundar patthar ban gais hei. I Prabhu karis hei aur dekhe meñ hamme bahut achchha lage hei.” ’

Ham tumme bataata hei ki Parmeshwar ke raaj tum se le lewa jaai aur ulog ke de dewa jaai, jon wahi kare hei jon u maañge hei.