Известные библейские стихи из Yow 16

Поделиться

Bino mbibagambye, mulyoke mubeere n'emirembe mu nze. Ku nsi mulisanga ebizibu; naye mubeere bagumu, nze ensi ngiwangudde.”

Naye Mwoyo oyo ow'amazima bw'alituuka, alibatuusa ku mazima gonna, kubanga talyogera ku bubwe yekka, naye by'anaawuliranga anaabyogeranga, n'ebirijja alibibabuulira.

N'okutuusa kati mubadde temunnasaba kantu mu linnya lyange; musabe, mujja kufuna, essanyu lyammwe lituukirire.

Kyokka nze mbabuulira amazima nti kibagasa nze okugenda; kubanga bwe sigenda, Omuwolereza talijja gye muli; naye bwe ŋŋenda, ndimubatumira. Oyo bw'alijja, alinenya ensi olw'ekibi, n'olw'obutuukirivu, n'olw'okulamulibwa

Nammwe nno kaakano mukabiriddwa, naye ndibalaba ogwokubiri, olwo emitima gyammwe girisanyuka, n'essanyu lyammwe tewaliba alibaggyako. Ku lunaku olwo temulimbuuza kantu. Mbagambira ddala mazima nti bwe munaabangako kye musaba Taata, alikibawa mu linnya lyange.

Mbagambira ddala mazima nti mulikaaba, mulikuba ebiwoobe, ensi yo ng'esanyuka; mulikabirirwa, naye okukabirirwa kwammwe kulifuuka essanyu.