Известные библейские стихи из Yow 15

Поделиться

Nze muzabbibu, mmwe matabi. Abeera mu nze, nange mu ye, oyo y'abala ebibala ebingi; kubanga nga temuli nange, temuliiko kye muyinza kukola.

Mubeere mu nze nange mbeere mu mmwe. Ng'ettabi bwe litayinza kubala bibala ku bwalyo, wabula nga liri ku muzabbibu, nammwe bwe mutayinza, wabula nga muli ku nze.

Bwe mubeera mu nze, n'ekigambo kyange ne kibeera mu mmwe, musabanga kyonna kye mwagala, kiribakolerwa.

Si mmwe mwalonda nze, wabula nze nalonda mmwe, ne mbateekawo mugende mubale ebibala, ebibala byammwe bibeerere, na buli kyonna kye muliba musabye Taata mu linnya lyange, akibawe.

Tewali alina kwagala kusinga kuno, oli okuwaayo obulamu bwe okubeera mikwano gye.

Buli ttabi eriri ku nze eritabala bibala, aliwawaagulako; ate buli ttabi eribala ebibala alisalira liryoke lyongere okubala ebibala.

“Kino kye kiragiro kyange: mwagalanenga nga nze bwe mbaagadde.

Bwe mubala ebibala ebingi, ne mufuukira ddala abayigirizwa bange, Taata lw'afuna ekitiibwa.

“Nze muzabbibu gwennyini; Kitange ye mulimi.

Oli atabeera mu nze, akanyugibwa ebweru ng'ettabi n'akala; amatabi ago gakuŋŋaanyizibwa ne gasuulibwa mu muliro, ne gookebwa.

Ebyo mbibagambye essanyu lyange libeere ne mummwe, ate essanyu lyammwe lituukirire.

Bwe munaakwata ebiragiro byange, mujja kusigala nga mbaagala, nga nze bwe nkwata ebiragiro bya Kitange ne nsigala ng'anjagala.

Kino kye mbalagira: mwagalanenga.

Singa mubadde ba nsi, ensi yandyagadde ekyayo; naye kubanga temuli ba nsi, anti nga nabalonda ne mbaggya mu nsi, ensi kyeva ebakyawa.