Известные библейские стихи из Yow 14

Поделиться

Mbalekedde emirembe, mbawadde emirembe gyange; sigibawadde ng'ensi bw'egiwa. Emitima gyammwe gireke kweraliikirira na kutya.

Yezu n'amugamba nti: “Nze kkubo, nze mazima, nze bulamu. Tewali atuuka eri Taata, wabula ng'ayise mu nze.

“Emitima gyammwe gireme kweraliikirira. Mukkiriza Katonda, nange munzikirize.

naye Omuwolereza, ye Mwoyo Mutuukirivu, Taata gw'alituma mu linnya lyange, alibayigiriza byonna n'abajjukiza byonna bye mbagambye.

Alina ebiragiro byange n'abikwata, oyo y'anjagala. Ate anjagala, ne Kitange alimwagala, nange ndimwagala, era ndimweyoleka.”

Nange ndisaba Taata, n'abawa Omuwolereza omulala, abeerere ddala nammwe emirembe gyonna; ye Mwoyo ow'amazima ensi gw'eteyinza kufuna, kubanga temulaba n'okumumanya temumanyi. Mmwe mumumanyi, kubanga asula mu mmwe, alibabeeramu.

Na buli kye munaasabanga Taata mu linnya lyange, ndikikola, Kitange alyoke agulumizibwe mu Mwana. Bwe munaasabanga ekintu mu linnya lyange, ndikikola.

“Obanga munjagala, mulikwata ebiragiro byange.

Mu nnyumba ya Kitange mulimu ebisenge bingi. Singa si bwe kiri, nandibagambye nti ŋŋenda okubategekera ekifo?

Bwe ndiba mmaze okugenda, nga mmaze n'okubategekera ekifo, ndidda nate ne mbatwala ewange; nze gye ndi nammwe gye muba mubeera.

Toma kwe kumugamba nti: “Mukama, gy'ogenda tetumanyiiyo; tuyinza tutya okumanya ekkubo?”