Известные библейские стихи из Ebik 1

Поделиться

Kyokka mulifuna amaanyi Mwoyo Mutuukirivu bw'alibajjako; ate mulibeera bajulirwa bange mu Yeruzaalemu ne mu Buyudaaya bwonna ne mu Samariya, n'okutuusa ensi gy'ekoma.”

Ye n'abaddamu nti: “Si kyammwe okumanya ebbanga n'akadde Taata bye yassaawo n'obuyinza bwe.

Bwe baali balya, n'abakuutira obutava mu Yeruzaalemu, wabula balindirire Taata kye yasuubiza, kye yayogerako nti: “Mwawulira mu kamwa kange, nti ye Yowanna yabatizanga na mazzi, naye mmwe oluvannyuma lw'ennaku ezitali nnyingi mujja kubatizibwa mu Mwoyo Mutuukirivu.”

Abo, ng'amaze okubonaabona, yabeeyoleka mu ngeri nnyingi okubakakasa nga bw'ali omulamu; yabalabikiranga mu nnaku amakumi ana, n'ayogeranga nabo ebikwata ku bwakabaka bwa Katonda.

Awo, bwe yasirissa ebyo, bonna nga balaba, n'atwalibwa waggulu, ekire ne kimubaggya mu maaso.

Bwe baali bakyatunuulidde waggulu nga bw'agenda, abasajja babiri abambadde engoye enjeru ne bayimirira kumpi nabo, ne babagamba nti: “Abasajja Abagalilaaya, ekibayimirizza wano nga mutunuulidde waggulu kiki? Yezu ono abaggyiddwako n'atwalibwa mu ggulu, bw'alijja bw'atyo nga bwe mumulabye ng'agenda mu ggulu.”