Известные библейские стихи из Ju 6

Поделиться

Jezun tankam mhonn’lem: “Jivitacho Unddo To Hanv; Mhojê-xim ietat tankam kodinch bhuk lagchi na, ani Mhojer bhavart dovortat tankam kodinch tan lagchi na.

Atmo ki jiv dita, mas kiteakuch upkarona. Tumkam hanv uloilam tim utram Atmo ani Jivit.

Khaun sorta toslea khanna khatir tras gheum nakat, punn sasnnik jivitak togta toslea khanna khatir tras gheiat; oslem khann Mon’xacho Put tumkam ditolo; karonn khud Deva, Bapan, Tacher Aplo xik’ko marla.”

Hich ti Mhojea Bapachi khuxi: jim konn Putak polletat ani Tacher bhavart tthevtat, tankam soglleank sasnnik jivit mellchem, ani nimannea disa Hanvem tankam punorjivont korchim.”

Jezun tankam mhonn’lem: Zaka Devan dhaddla, Tacher bhavart dovrat: hench tem Devak zai tem kam’ ”.

Mhozo Bap Mhaka dita tim sogllim Mhojê-xim ietelim; ani Mhojê-xim ietat tankam Hanv poro ghalcho na.

Simanv Pedrun Taka zobab dilo: “Saiba, konna-xim mhonn vetelenv ami? Tujim utram sasnnik jivitachim!

Sorgar thaun denvlolo to jivo unddo Hanv; ho unddo khatat tim sasnnak jivim astelim; ani sonvsarak jivit mellchê khatir Hanv ditolom to unddo Mhojench mas.”

Bapan Mhaka dhaddla, ani, Tannem konnak Mhojê-xim oddun haddlea xivai, konnacheanuch Mhojê-xim ieunk zaina; ani Mhojê-xim ieteleank Hanv nimannea disa punorjivont kortolom.

Kiteak zo sorga thaun denvta ani sonvsarak jivit dita, toch Devacho unddo.”

Jivitacho unddo To Hanv.

Tedna Jezun undde ghetle ani Devak dhin’vasun bosleleank te vanttle; têch porim maslleô-i vanttleô. Tankam zai titlem vanttun dilem. Ani tim dhadoxi zatôch, Tannem Apleam xisank mhonn’lem: “Kuddke urleat te ektthãi korat; kãich ibadd zaum noiê.”

Sumar tin ki char kilometranchi vatt tanddun kaddtôch, tãnnim Jezuk doriacher cholta ani hoddea lagim pavta to dekhlo. Tankam bhem dislem, punn Tannem tankam mhonn’lem: “Hanv to, bhienakat!”