Известные библейские стихи из Yoane 16

Поделиться

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Kufika na ndakai mutali mulenge cimwi mwi zina lyane. Lengini nga mulapelwa, kuti muzange cuze.

Lelo nkumunena cumi vino camuzipila kuti mpite, pano ndi ntapisile kaazwa ataliza kunomuli. Lelo ndi napita lyene ndamutuma kunomuli. Nawe Mupasi alala wiza alasinila antu amu nsi vino yene aponge pamulandu wa maifyo na pa kuntamanya vya wololoke nga nu upinguzi wakwe Leza.

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli. “Pa wanda ulya, mutalanguzya pamulandu wa cintu cili consi. Nkumunena cumi vino Tata alamupeela consi cino mulamulenga mwi zina lyane.

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.